خالد محمود: العوضى نجم كبير وبقول للحاقدين عمركم ماهتهاجموه لو ماكانش ناجح

أكد الفنان الكبير خالد محمود أنه يواصل التحضيرات المبدئية لدوره بمسلسل "سلطان الديب"، مع النجم أحمد العوضى، من تأليف محمود حمدان، وإخراج محمد عبد السلام، والمقرر عرضه في موسم دراما رمضان المقبل.

وقال الفنان خالد محمود في حواره مع تليفزيون اليوم السابع: " الفنان أحمد العوضى أنا متابعه من زمان، وهو فنان نجم يحمل هموم الناس بيهتم جدا بالرسالة اللى بيقدمها، واخد الفن إنه هيوصل بيه رسالة إنه هو عايز يعمل شيءإيجابى من خلال الفن، ولما حصل المكالمة التليفونية بينا أنا أبديت موافقتى للعوضى على طول، لإن مبادئه تتوافق مع مبادئ لإن ده اللى خلانى أقول أه وأنا راضى وبكل ثقة.. وإن شاء الله هنعمل عمل هنكسر بيه الدنيا".

وعلق محمود على الهجوم الذى يتعرض له النجم أحمد العوضى أحيانا، حيث قال محمود في حواره مع تليفزيون اليوم السابع: "الواقع هو اللى بيقول إن العوضى نجم كبير.. هو ببساطة شديدة جدا هو لو مش نجم مهم جدا، إيه اللى يخلى شركات الإنتاج عايزاه فى الموسم الرمضانى كل عام؟.. إيه اللى بيخليه يحتل المراكز الأولى من المشاهدة، هو أثبت وجوده وأثبت نجوميته،  ما ضربش حد على إيده عشان يقول عليه نجم.. لأ .. هو ماشاء الله حقق وبيحقق مشاهدات كبيرة جدا، وليه شعبية وجماهيرية طاغية".

وأضاف محمود في حواره مع تليفزيون اليوم السابع قائلا: "اللجان الإلكترونية أو مجموعة الحاقدين عمرها ما هتتكلم غير على حد ناجح.. والعوضى لو مش ناجح مش هيحصل عليه الجدل اللى حاصل ده كله".