"صلاة العيد وقعدة البيت ولمة الأهل والنوم"..هكذا وصف رواد موقع التدوينات القصيرة "تويتر" عيد الاضحى المبارك، بعد تصدره لثلاث هاشتجات "ترند" وهم "عيديتك تتمناها ايه" و"هتحس بالعيد لما" و"عيد سعيد" عبروا فيها عن العيد بالنسبة لهم.
0
وجاءت التعليقات كالأتى علق أحمد مصطفى: "العيد هو إنى أقعد استنى خروف العيد أبو فيونكة، وفيديو البقرة اللي هربت وفيلم بوحة وحاجات تافهة زي دي"، أما أحمد يرى أن العيد هو نوم أكل ترمس نوم أتفرج على التلفيزيون نوم أكل سوداني نوم .
فيما عبر آخرون على الهشتاج بـ"العيد يمثل بالنسبة لي صلاة العيد وباقي اليوم عادي"، "بأى حال جئت يا عيد، العيد بجد كان زمان"، "مرقة اللحمة اللي بيعملها بابا بتختلف في العيد عن أي يوم تاني"، "حب وإخاء وصفاء قلوب"، "زحمة في الشوارع وعيال راكبين موتوسيكلات وحاطين مية أكسجين وبنات لابسة فسفوري وشحاتين"، "العيد فرحة لكل مسلم من منطلق الدين والعبادة"، "النوم غير كدا شكليات"، "بحب أشوف فرحة الناس فى صلاة العيد".
وتوالت التعليقات على هاشتاج "العيد بيمثل لك إيه" بـ"خروجات كتير أووي وفلوس أكترر بكتيير"، "لو ما قضيتش العيد فى الشغل اتحرق"، "القناة الثانية وفيلم أفريكانو"، "بحبه عشان باكل لحمة كتير"، "تكبيرات العيد"، "لحمة وأكل كتير مش بيطلع عليا"، "فرحة ولحمة وزحمة وصلة رحم وخروجات وضحك ولعب"، "لمة الصحاب وعيدية وفلوس"، "بيمثلني صحاب المدرسة اللي بشوفهم من السنة للسنة، وبيفكرني بذكريات الطفولة واستعدادنا للعيد زمان عند تيتا الله يرحمها".
ترند
فيما قال آخرون، "العيد عبارة عن وقفة عرفة طبعا، صلاة العيد والتكبيرات مثلا، الخروف وهو بيندبح الصبح، هدوم العيد اللي مش بنكبر عليها، العيلة لما تتجمع"، و"بيمثللي أن العيد كمان يومين ومفيش لبس عيد ولا فيه فلوس تجيب لبس عيد ولا فيه خروج في العيد ولا فيه فلوس للخروج في العيد"، أما عن الذكريات قال رواد "كان زمان أحلى فرحة وأحلى أيام وأحلى خروجات وأحلى هدوم والعديات والقرايب لكن دلوقتي بخ".
عدد الردود 0
بواسطة:
ايهاب
و الفتة و العيلة
و اللحم الضاني و الرقاق و الصواني هو دا عيد الاضحي اعادة الله عليكم باليمن و البركات
عدد الردود 0
بواسطة:
ايهاب
;كل سنة و انتم بخير
كل سنة و انتم بخير