أحمد الغرباوى يكتب: عندما يقــول البحر..؟

قول لها يا بحر..
والله أنا حبتها
بِجـــد..؟

زىّ الرمــل
تِبعــتره ريــح
ويعوصه جريح
وعُمره ما أذى
حَــدّ..!
قــول لها يا بحر
والله أنا حَــبّـتها
بِجــدّ..؟
زىَ الشط
الأصفر..
اللى فى عِـينيها
مِـترمـّل حبات
مرمر..
على ملساء مى
عايز يزّحـلق
وينام فى ندبة
خــدّ..!
قول لها يابحر
والله أنا حـبتها
بجــد..؟
زىّ الموجة
الجايّة..
تاخد النغمة
التايهة..
مِ الدمعة
السايلة..
حُزن وشجن و
سُـهد..!
قول لها يابحر
والله أنا حبتها
بجد..؟
زىَ شطوطك
اللى ما لهاش
حــد..
حبى فى كل الدنيا
ممتد..
ولغاية قلبها
ماوصلش.. ولاجه
بعــد..!
قول لها يابحر
والله أنا حبتها
بجد..؟
زىّ يونس
فى بطن الحوت
عشقى فى رعاية
رب..!
ما تشوفه غِــير عيون
وجد..!
وفى إيدها
عالقة شباك روحها
ضيّقة فتحاتها..
ولغيرى ينفـذ
صيد..!
قول لها يابحر
والله أنا حبتها
بجد..؟
لوفَـصلت بين ميك
ومَرار الملح..؟
ولو سوّد ريحك
زَبد الموج..؟
يبقى بينى وحبها
ألف بُعد.. و
بُعد..!
قول لها يابحر
والله أنا حبتها
بجد..؟
والله يابحر..
لم تجذبنى بكارة
نهد..!
ولم تغرنى هلالية
خصر فى تبختر
قد..!
ولم يسل لعابى
إنسيابية فى ليونة
فخذ..!
ولم يَسكرنى دلال
الخطو فى النغمة على
الأ دّ..!
ولا قبل.. ولا
بعد..!
وحدهما عيناها قاربان
لجنة دنيا وجنة
خُلد..!
قمران فصلهما الرب
هلالين لكل عين
لما جرى نهر الحب
أعذب وأصدق
ردّ..!
قول لها يابحر
والله أنا حبتها
بجد..؟