أحمد عبد العزيز: بسمع أوكا وأورتيجا و"بنت الجيران" عجبتنى وحمو بيكا غلبان

قال الفنان أحمد عبد العزيز، أن الكلمات الموجودة فى الأغانى حاليا شيء طبيعى لأن الكلام اللى بنقوله بيتغير كل 10 أو 15 سنة، لأن اللغة كائن حى يعيش وممكن يمرض بعض الوقت ، مضيفا خلال ندوة تكريمه فى "اليوم السابع"، بما أن أغلب أغانى المهرجانات الشعبية خالية من القيمة ده موضوع تانى خالص لأن القيمة هاتيجى منين بما أن فاقد الشئ لا يعطيه.

وأضاف الفنان أحمد عبد العزيز ،وليس معنى كلامى أنى لا أسمع المهرجانات ، فأنا أسمع كل شيء يخص الفن، ويعنى أقدر أقول مهرجان "بنت الجيران" من الأغانى اللى عجبتنى شوية، ولكن أنا بسمع أوكا وأورتيجا من قبل ما يبقى اسمهم مهرجانات، وقت لما كنا بنجيبهم في ميدان التحرير فى 2011 ، أما حمو بيكا ده غلبان خالص وهيتجنن من اللى بيحصله، ولكن لا نقدر نلوم أحد على صوته ، لأن اذا غاب المعيار يصبح كل شيء متاح ومباح، عكس زمان أيام أم كلثوم وعبد الحليم حافظ كان من الصعب أن حد يتجرأ ويغنى الا لو كان صوته بنفس معيار المطربين الكبار اللى موجودين وقتها .