فيسبوك
واتساب
أكد الناقد الفني عصام زكريا، أن مصر تعاني من محدودية إنتاج أفلام الأطفال، سواء من حيث الكم أو الكيف، مشيرًا إلى أن صناعة هذا النوع من السينما تحتاج إلى مؤسسات متخصصة تمتلك خبرات فنية وتربوية قادرة على تقديم محتوى يجمع بين المتعة والقيم التي ينبغي غرسها في الأطفال.
وقال عصام زكريا في تصريح خاص لـ«اليوم السابع»: «ما عندناش أفلام أطفال، ما عندناش أفلام أطفال بتتعمل كويس، وسواء من ناحية الكم أو الكيف يعني محدودة جدًا، ولأنه لازم يبقى وراها مؤسسات سواء حكومية رسمية أو مؤسسات خاصة فاهمة وعندها ناس متخصصة».
وأضاف: «مش بس إنهم يعرفوا يكتبوا أفلام، لأ، متخصصين في التربية وفي التأسيس، يعني إيه الحاجات اللي تأثر على الطفل، وإيه الحاجات اللي لازم نزرعها فيه، وإيه القيم اللي لازم نزرعها في الطفل، وفي نفس الوقت تبقى جذابة، يعني ما يبقاش الطفل يزهق منها ويمل».
وأشار إلى أن تقديم محتوى سينمائي يجذب الأطفال أصبح تحديًا كبيرًا، خاصة مع اختلاف اهتمامات الأجيال الجديدة، قائلًا: «أطفال اليومين دول صعب إرضاؤهم، مش زي زمان، كنا بنرضى بأي حاجة، ودلوقتي عشان تعملي فيلم يرضي الطفل دي مسألة صعبة جدًا».
وعن تجربته في عضوية لجنة تحكيم مهرجان المنصورة لسينما الأطفال، أوضح عصام زكريا أن تقييم الأفلام اعتمد على جانبين أساسيين، هما الجودة الفنية ومدى ملاءمة المحتوى للأطفال من الناحية التربوية.
وقال: «إحنا حكمنا الأفلام مبدئيًا من ناحية الجودة، وفي نفس الوقت البُعد التربوي اللي فيها واللي يناسب إن الأطفال تتفرج عليها، ده طبعًا بناخده في الاعتبار وإحنا بنتفرج».
