فيسبوك
واتساب
مشاعرى ليك سلمتها --- وقلبك عليها افترى
أكمنى عليك سهلتها --- هتفرض عليا السيطرة
تفتكر يعنى هانكسر --- لأ يا حبيبى مش أنا
وإياك تفكر تعتذر --- ولو حتى بعد ميت سنة
منك لله ظلمتنى ---- ظلم من الأرض للسما
قولت ليه بتحبنى --- وضيعت منى كام سنة
سكت عليك ازاى انا --- وانت سنين بتهدنى
مثلت عليا كام سنة --- كذبت وقولت بتحبنى
إياك تحاول تعتذر --- مبقاش خلاص يهمنى
فرحانة وانت بتنكسر --- ودمعك عُمره ما هيهزنى
انا خلاص مبقتش انا --- قلبى بقه أقوى من الجبل
خلصت خلاص الجدعنة -- من يوم ما ضيعت الأمل
بكره تحب وتنكسر ------ وتحس بإحساسى أنا
لما قلبك يتظلم ---- ويضيع من عُمرك كام سنة
