عرضت الفنانة الشابة تغريد عبد الرحمن، صورًا لها تظهر خلالها وهى مصابة، وقالت إنها تعرضت للاعتداء والضرب على يد جارها، وأنه دائم التحرش بها.
وسجلت "تغريد" فيديو ونشرته على حسابها بموقع التواصل الاجتماعى "فيسبوك"، قالت خلاله إن جارها بعد أن شاهد صورتها فى أحد الأعمال الفنية اعتبرها "بنت شمال"، على حد وصفها، ومنذ هذه اللحظة وهو يتحرش بها لفظيًا كلما قابلها.
وأضافت أنها اشترت فى الفترة الأخيرة "عجلة" لتقضى بها المشاوير القريبة من منزلها، وفى أحد الأيام استعدت لركوب العجلة، وتصادف وجود هذا الجار الذى تحرش بها فى وجود بواب العمارة، وهنا وجهت تغريد حديثها للبواب قائلة "المفروض يا يقف بأدبه يا ميقفش"، وبعدها اعتدى عليها بالضرب.
وأشارت تغريد من خلال حسابها الشخصى على فيسبوك، إلى أنها حررت ضد جارها المحضر رقم 32921 جنح الهرم.
بدأت تغريد التمثيل من خلال المدرسة، ثم قصور الثقافة، ومسرح الجامعة، وانضمت لفرقة "ستوديو الممثل" مع الفنان الكبير محمد صبحى، وشاركت فى عرض "شفيقة ومتولى"، وحصلت عنه على المركز الثالث كأحسن ممثلة من مهرجان المسرح القومى عام 2001، وشاركت فى العديد من العروض على مستوى قصور الثقافة، وشاركت فى مسلسل "الصعلوك" أمام الفنان خالد الصاوى، ومسلسل "جراب حوا" مع سوسن بدر وعبير صبرى.
إصابة فى الأذن
اصابة فى الرأس
الممثلة الشابة
عدد الردود 0
بواسطة:
ههههههه
يتحرش بيكي ليه ؟
هو اتعمي في عنيه و لا ايه ؟
عدد الردود 0
بواسطة:
محمد صالح
ده لازم يتربى من جديد
انتى تبقى شمال لو ما اخدتيش منه حقق بالقانون أو من غير القانون.. لازم هذا النكره الحقير يتسجن على إرهابه لكى وضربه المبرح.. وهذا يدل على عدم ذكورته وهو يعانى نقص ومرض.. لو كان راجل كان حماكى بش ضربك.. وخليكى قوية ولا تتهزى..
عدد الردود 0
بواسطة:
ثناء بخيت
واحد مش محترم
اديله باللي في رجلك واعملي له محضر حتي يكون عبره لكل متحرش سافل
عدد الردود 0
بواسطة:
عابر سبيل
هو بيحبك
يستاهل يعمل فيكي اكتر من كده
عدد الردود 0
بواسطة:
ابراهيم
فين الفانون؟؟؟!!!
صوري بالكاميرا من غير مايحس اللي بيعملوا فيك المشبوق الهمجي ده وحطيه في اليوتيوب وبالمرة دليل اتبات ضده،دافعي عن نفسك باي حاجة تشوفيها قدامك مو حجر او خشب او حتى جزمتك ،غالبية السفلة زي دوا بيتحرؤوا على المرأة الضعيفة
عدد الردود 0
بواسطة:
gawaher
كل الردود غلط
هو اصلا مالهوش الحق انه يتحرش بيكي لا لفظيا ولا غيرة بس بما انه من اصحاب العقل اللي في غير موقعة قال لك اللحمة بقيت ب150 جنيه وهكذا يراكي ..لا يري الانسان الجار خلف اللحمة. دة مشكلة رهيبة علي فكرة في مصر بالذات ومعروفة علي مستوي العالم ظاهرة التحرش في مصر وكإن الناس مسعورة ستات قبل الرجالة..شدي حيلك اشتغلي وشوفي لك شقة تانية في منطقة يفترض ان الناس تكون هربانة من التحرش والقرف زيك
عدد الردود 0
بواسطة:
محمد
الولد ده اكيد من المتأسلمين
اراهن ان الولد ده اكيد من المتأسلمين
عدد الردود 0
بواسطة:
طرازان
احتمالات ...
ان يكون صاحب البيت زقه علشان تطفشي من البيت ... الحلوف ده هل زي ما ا/ محمد كتب من المتاءسلمين أو كان ضارب دقن و صنفرها دلوقتي ... بصي لو كل واحد متحرش زي الحلوف ده نهرب منه بدون الدق علي دماغه يبقي علي الدنيا السلام ... ده يتعمله محضر و يتاخد في القسم و توصيه بسيطه للمسجلين جوه ... حيلاقي نفسه كذا حته و كل واحد اخد ورك وراح في حته و مش حيبقي له تحرش لا حيبقي هتك عرض ابن العرض
عدد الردود 0
بواسطة:
منين نجيب الصبر
يا فنانة تغريد--عليك التوجة الى اقرب مستشفى لاثبات ما بك من اصابات ثم التوجة بالتقرير الطبى للنيابة
فمن هو او من غيرة حتى يتحرشوا بك هناك قانون --فاذا كان لديك شهود على الواقعة فعليك عمل التقرير الطبى والتوجة للنيابة واذا رفض الشهود الحضور معك لاسباب ما اطلبى من النيابة اخذ تعهد علية بعدم التعرض لك والنيابة ستوقفة عند حدة فى حالة تكرارة التحرش بتحويلة للمحاكمة--دى قلة ادب مش رجولة نعم قمة قلة الادب وقمة الندالة--لكننى اامل ان تكون القصة كما ذكرتى
عدد الردود 0
بواسطة:
صريح
افتكر دى عايزه تشتهر ومش عارفه تشتهر ازاى فجت لها الفكره انها تحط جارها اللى كارهها فى الموضوع
ويمكن يكون مش كارهها لكن خايف عليها من مجتمع الفن والفنانين اللى هيحول مسارها من بنت يمين لبنت شمال .. ده المفروض تشكره لانه بيحاول ينقذها من نفسها .. ودى لو اشتهرت وعملت افلام فيها اغراء كل المعلقين اللى معاها حاليا هيقلبوا عليها ويكرهوها زى ماكرهوا فيفى عبده .. مين يقبا فى المعلقين ان اخته تمتهن التمثيل ؟؟ لا اعتقد حد يقبل لان التمثيل بيجر وراه حجات كتير وتنازلات كتير علشان توصل للشهره والافضل انها تشوف ليها شغلانه تانيه غير التمثيل .