بالفيديو.. دينا ومرام طالبتان صباحا وبائعتان “ذرة” و”مارشميلو” ليلا

بإحد شوارع مصر الجديدة تقف فتاتان بعربة صغيرة مزينة بألوان مبهجة تبيعان ذرة مسلوقة وقطع مختلفة من الحلوى مساء بعد انتهاء يومهما الدراسى بالجامعة ليغيرا فكرة المجتمع عن الفتيات وأنهن يستطعن تحمل المسئولية والعمل بجوار الدراسة وتنفيذ مشروع وتوسيعه أيضاً.

تقول دينا نبيل والتى تبلغ من العمر 21 عاماً وتدرس إدارة أعمال بجامعة حلوان هى وصديقتها مرام لكاميرا “فيديو 7″ قناة اليوم السابع المصورة: “أنا وواحدة صاحبتى اسمها مرام فكرنا نعمل مشروع بسيط فى الأول قررنا نبيع ذرة مسلوقة وبحثنا على الإنترنت على شكل محدد للعربية وحددنا الشكل الحالى وبعد كده قررنا نبيع ذرة مسلوقة ومارشميلو ومناقيش وبطاطس”.



وعن مستقبل المشروع تقول: “إحنا لما فكرنا فى الأول نعمل مشروع ما فكرناش نكبره لكن الأيام دى بدأنا نفكر فى تجديده وأتمنى إنه يتحول لمطعم فى يوم من الأيام”.

وتتحدث مرام الشريكة الثانية بالمشروع عن المضايقات التى تواجههما بالشارع فتقول: “السكان الأول كانوا مضايقين عشان ما ينفعش نقف بالعربية قدام العمارة لكن حلينا المشكلة ووقفنا وراء العمارة والناس إللى فى الشارع بيشجعونا وبيقولولنا برافوا إنكوا عملتوا كده”.

أما عن أمنيتها فتقول: “نفسى المشروع يتعرف والبنات تتشجع إنها تعمل مشروع زى ده وإن المشروع يكبر مش يبقى عربية واحدة يكون فيه عربيات كتير”.