هاجمت الفنانة شذى، المطرب الشعبى عبد الباسط حمودة، وذلك بعد هجومه عليها، خلال استضافته ببرنامج العاشرة مساءً، الذى يقدمه الإعلامى وائل الإبراشى على قناة دريم، قائلةً: "أنا فنانة غصب عنك".
وكتبت شذى، عبر صفحتها على موقع التواصل الاجتماعى "فيس بوك": "بالنسبة للأستاذ عبد الباسط حمودة أنا سكت أول مرة وقولت راجل كبير وعيب أرد، شارع الهرم اللى بالنسبالك مقياس والموالد اللى واضح أن من كتر ما غنيت فيهم مضيقينك، فبتحاول تعمل فيها متقبل الموضوع وبتقول وترد على نفسك".
وأضافت: "أساسا محدش عاب على اللى بيغنوا فى موالد ولا شارع الهرم، ما كل واحد يغنى مكان ما هو حابب، محدش يقدر يقيم حد ولا يحكم على حد.. أنا فعلا محالفنيش الحظ الفظيع إنى أغنى فيهم أعملك إيه طيب؟..إنت ليه بتحاول تعمل حوار وموضوع، للأسف ياسى عبد الباسط أنا مغنتش فى موالد ولاغنيت فى شارع الهرم ولا كنت مع اللى راحوا الهرم ولا بتنصل، والواقع أن فى اختلاف ثقافات وتربية وأسلوب".
وتابعت: "وبالنسبة لأنك فجأة عملت فيها "بيتهوفن الفن" فأنا غصب عنك فنانة مش عافية منى، ومش رأيى دا رأى الجهات المحترمة المعنية بالفن المحترم، زى دار الأوبرا اللى اتشرفت وكنت صوليست فيها.. وطبعا مش هتفهم يعنى إيه صوليست، فهترجمهالك بلغتك يعنى بقدم "نمرة لوحدى" على أوركسترا بيقودها دكتور سليم سحاب، وواحدة تانية كان بيرؤسها الدكتورة رتيبة الحفنى الله يرحمها".
واختتمت "شذى" قائلة: "فلو سمحت لما تطلع تاكل عيش فى البرامج، متحكيش فى المحكى وتجيب فى سيرتى وتبروز نفسك، لأنك نص معلوماتك الفنية فى الحلقة رايحة فى داهية.. وطبعا أكيد مش هتفهم ولا حرف من اللى أنا كتباه ده، لأن أساسا الأغنية اللى ضربتلك وأتعرفت بيها كنت أساسا تايه فيها..وطول مدة الأغنية مش عارف نفسك، يعنى واحد طول الأغنية بيقول "أنا مش عارفنى أنا تهت منى" هعتب عليه فى إيه، والنبى لما يلاقى نفسه بقى نبقى نتفاهم".
عدد الردود 0
بواسطة:
راغب عمر
لا للطعن فى الاخرين
الناس بتحب شعبان عبد الرحيم لانه بيتكلم على سجيته تحس ان قلبه ابيض ولايغلط في احد والراجل صريح فى كلامه اما عبد الباسط حموده تحس انه مغرور على ايه ما اعرفش أمال حكيم يعمل ايه عامة فى مجال الفن او الرياضة اقصد المشاهير الانسان المحترم محبوب المذيعين يحاولون استفزاز الضيف الفنان واللاعب المحترم لاينساق وراء هذا الاستفزاز ولا يرد\ على الاساءه باساءة
عدد الردود 0
بواسطة:
على الدين
رغم أنى من الصعب أن أكتب وأعلق على أى موضوع
برافو عليكى ياشذى كلامك موزون وناضج يخرج من انسانه مثقفة ومطربة صاحبة صوت جمسب بحق وحقيقى وكمان موجودة على الساحة ومش تايهة خالص . من الآخر أنا سعيد جداً بأسلوب كلامك - ربنا يوفقك
عدد الردود 0
بواسطة:
صاحي ومدقدق
شذي والنبي اتلهي!
الاستاذ عبد الباسط مش اغنيه ياشذي ...وياريت تحترمي نفسك اكتر من كده والله العظيم انا مااعرف انتي بتغني ايه ؟! ولا فين ؟! ومش معني انك غنيتي في الاوبرا يبقي واو ...فيه فنانين كتير كبار في القيمه والمقام ولم يسعدهم الحظ بالوقوف علي خشبه الاوبرا
عدد الردود 0
بواسطة:
محمد كمال
للاسف شارع الهرم ومطربى السكارى اصبحو مطربين حاجه تحزن
عندما اسمع لحن لشاديه او نجاه او فريد او ورده وغيرهم وغيرهم من عظماء الفن استعجب كل العجب من الاشكال الضاله الى بتطلع فى البرامج وتحكى عن صوتها وعن اللحن وعن المجهود والتعب ياناس فى حد عاقل يقول شعبان وعبدالباسط وامثالهم مطربين حرام عليكم ده خضره محمد خضر ومتقال وفاطمه سرحان ومحمد رشدى اصل الطرب الشعبى مش مطربى السكارى
عدد الردود 0
بواسطة:
مواطن مصرى
ربنا يكفينا شر العوالم
ان كيدهن عظيم.