فيسبوك
واتساب
اعتذرت الفنانة جوري بكر عن ما بدر منها بشأن تصريحاتها عن زواج أصحاب متلازمة داون واعتراضها على هذا الزواج، حيث كتبت عبر حسابها على "فيس بوك": "حابة أوضح إن اللى حصل كان من غير أي قصد خالص، ومكنش في نيتى أضايق أو أسيء لأى حد".
وأضافت جوري بكر: "ولو كلامى اتفهم بشكل غير قصدته، فأنا بعتذر بكل حب واحترام، لأن أكيد آخر حاجة أتمنى إنها تحصل هي إن حد يزعل مني".
واختتمت جوري بكر حديثها: "وبالمناسبة ألف ألف مبروك للعروسين، وربنا يسعدهم ويتمم لهم على خير، ويجعل أيامهم كلها فرح وسعادة، وأنا إن شاء الله هاجى بنفسي أبارك لهم وأقدم لهم ورد، لأن المحبة والاحترام بينا أكبر من أي سوء فهم، كل التقدير والمحبة للجميع".
جوري بكر تعتذر
وكانت الفنانة جوري بكر قد تصدرت تريند محرج البحث جوجل بعدما أثارت الجدل بشأن تصريحاتها عن زواج ذوى الهمم، حيث كشفت عن اعتراضها على هذا الزواج، وذلك تزامناً مع زواج الناشطة بحقوق ذوى الإعاقة سما رامى، وهو ما أثار حالة من الغضب الواسع والانتقادات.
تصريحات جوري بكر
قالت جوري بكر في تصرحيات إعلامية: "أنا ضد زواج ذوي الهمم، شوفت بوست واحدة من ذوي الهمم بتتجوز، هل ده في شرع ربنا؟ هل دول يجب عليهم الزواج؟ ولا الناس بتاخد الكلام على مزاجها؟".
وأضافت: "عشان لو ده حصل، يبقى حرام وربنا ميرضاش بيه، الأطفال الأبرياء دول مش بيتجوزوا، من إمتى الداون بيتجوز؟!".
الفنانة جيلان علاء ترد على جوري بكر
من جانبها، ردت الفنانة جيلان علاء على تصريحات جوري بكر بشأن زواج قريبها أدهم تامر بالناشطة سما رامي، وقالت إن القرار نابع من رغبتهما.
وكتبت الفنانة جيلان علاء عبر صفحتها على "فيس بوك": "أنا معلش أحب أرد بس بصفتى بنت خالة أدهم تامر العريس فقرار جواز سما وأدهم ده قرار اتنين بالغين عارفين هما بيعملوا إيه وليهم أحاسيس ومشاعر وبنى آدمين وليهم أهل مثقفين ومتعلمين وعارفين ولادهم بيعملوا إيه".
وتابعت جيلان علاء: "خالتى والدة أدهم الدكتورة ندى أبو المجد دى من أشطر وأشهر دكاترة الإدمان فى مصر ووالدة ووالد سما ناس متعلمين ومثقفين ومحترمين وعارفين هما بيعملوا إيه كويس أوى".
واختتمت حديثها: "طالما الزيجة دى مش هتضر حد فى حاجة يبقى بلاش نعكر فرحتهم ولا فرحة أهلهم عشان إحنا كلنا كنا فرحانين ومبسوطين من قلبنا عشان دول أنقى وأطهر من خيالكو، واتمنوا لهم الخير والفرحة والسعادة وبس".
