شريف عطية فى بودكاست الشغلانة: البروديوسر هو مايسترو العمل وله الكلمة الأخيرة

تحدث المنتج الفني شريف عطية عن الفرق بين البروديوسر والمنتج الفني ومهام كل منهما، خلال حلوله ضيفاً فى أولى حلقات بودكاست الشغلانة، الذي يقدمه الناقد الفني آسر أحمد، ويعرض عبر صفحات اليوم السابع المختلفة.

شريف عطية: مصطلح البروديوسر جاء من عالم الإعلانات

وأوضح المنتج الفني شريف عطية في حديثه الفرق بين مهام المنتج الفني والبروديوسر وتقاطع مهامه داخل الشغلانة، وقال: لما تتفرج على أفلام الثمانينيات والسبعينيات، مش هتلاقي مسمى البروديوسر متواجد، ولكنه مسمى وليد الإعلانات، مصطلح البروديوسر هتلاقيه في البرامج والإعلانات، وغالبا بيكون هو صاحب الشركة المنتجة ودوره فعال جداً جداً، من أول ما تيجى فكرة الإعلان هو حلقة التواصل بين الكلاينت والتيم، هو المايسترو الحقيقي للشغلانة.

المنتج الفني شريف عطية يكشف أسرار مهنة البروديوسر

وأضاف المنتج الفني شريف عطية في حديثه: وأول ما بدأت أشتغل، أنا خريج معهد سينما قسم الإنتاج، وأول ما اشتغلت في شركة لطيفة واتعلمت منهم الشياكة والطريقة في المعاملة، وإزاى نتعامل مع الناس وندى كل واحد حقه، الشركة اسمها فيديو 2000، اتعلمت إزاى يعنى أى بروديوسر وقائد شغلانة.

وتابع قائلاً: البروديوسر مش عاوز أقول أهم من المخرج، البروديوسر أعلى من المخرج وهو اللى بيتعاقد مع المخرج وهو من له الكلمة الأخيرة، بس دا مش بيحصل دلوقتي في كل المواقف بس دا الحقيقي والواقع، دور البروديوسر وتحته التيم بتاعه وله دور فعال ومهم، ولكن في الدراما والسينما في مقاومة من فرق الإنتاج لانهم مشتغلوش اوي في الإعلانات ومش عارفين أهمية البروديوسر.

واختتم حديثه: البروديوسر بعضهم دلوقتي مش عارف الشغلانة بتاعه اوي، هو بيحب المسمي وفلوس المسمي، لكن وصف تعريف مهام البروديوسر وانه امتي يقول لا للمخرج، هو بيخاف يقول لا يبقي هو مش عارف دوره، المنتج الفني، مش ليه اسمه منتج بس؟ لانه المفروض هو منتج فني، بيترجم الاسكريبت لفلوس وحلول وفنياً، مش بس الأسعار.

المنتج الفني شريف عطية في بودكاست الشغلانة

شريف عطية

المنتج الفني شريف عطية