حنان مطاوع لتليفزيون اليوم السابع: ملابسى فى حفل فرحة مصر صناعة مصرية

أكدت النجمة حنان مطاوع لتليفزيون اليوم السابع، أنها حرصت على ارتداء ملابس ذات شكل وروح مصرية بحفل فرحة مصر، والذى أقيم أمس الأول بحضور وتشريف السيدة انتصار السيسى، الحفل كان عبارة عن تنظيم حفل زفاف جماعى لـ1000عريس وعروس، ضمن جهود الدولة والمجتمع المدني لدعم الشباب المقبلين على الزواج وتخفيف الأعباء عنهم.

وقالت حنان لتليفزيون اليوم السابع: "أنا كان حظي حلو إن الاستايلست نوران نبيل هى بنت جميلة جدا وصاحبتى، فاخترنا إن إحنا نلبس حاجة مصرية أو يعنى بسيطة متطعمة بالإكسسوار وده عملته الدكتورة هاجر نبيل،  وهى برضة متخصصة فى إنها عندها إكسسوار مصرى سواء بقى مصرى قديم اللي هو ما يسمى بالفرعونى أو مصرى بقى فلاحى أو يعنى يتماشى مع كل أذواق المصريين، واللى نفذت الفستان منار يعنى كل حاجة تضافرت الحمد لله إن الحاجة تبقى بسيطة الحمد لله".

حنان مطاوع: السيدة انتصار السيسي حقيقى شبه كل المصريين

سعادة بالغة أعلنتها النجمة حنان مطاوع على شاشة تليفزيون اليوم السابع، وذلك عبر مداخلة هاتفية بعد مشاركتها فى مبادرة حفل زفاف جماعى لـ1000عريس وعروس، بعنوان "فرحة مصر"، ضمن جهود الدولة والمجتمع المدني لدعم الشباب المقبلين على الزواج وتخفيف الأعباء عنهم، بحضور وتشريف السيدة انتصار السيسى.

وقالت النجمة حنان مطاوع: "من قلبي من قلبى يا رب الفرحة تدخل قلوبنا كلنا اللى عايز يتجوز يتجوز، واللى مريض يخف.. يعنى أتمنى يارب الفرحة والسلام والأمان لبلدى يا رب".

وأضافت حنان قائلة: "طبعا هذا اليوم مميز بالنسبة لى، وبقول لك يعنى أنا كنت يعنى خجلانة إنه هم عاملين الفرح ده وإزاى يجهزوا ويجوزوا الشباب دول من أصغر حاجة لـ أكبر حاجة بتتم فى الجهاز، فالواحد كان يعنى عنده حياء إنه طب أشارك ولو بحاجة بسيطة فأنا كنت سعيدة إن أنا طالعة بقدم الحفلة.. يعني ده طبعا مشاركة ضئيلة جدا بس أهو الواحد يعنى بيمسك الفرحة والواجب فيارب الواحد يكون قدمها بشكل كويس".

وتابعت النجمة حنان مطاوع قائلة: "والله أنا كنت فرحانة جدا وهو الحقيقة أهم ما يميز السيدة انتصار السيسى إنها قريبة من المصريين.. هى حقيقي شبه شبه المصريين.. أه وتواضعها وأخلاقها.. يعني حتى بيبقى دايما دايما فيه تأمينات مثلا وبروتوكولات خاصة بالسيدة الأولى، لكن هى إمبارح وهى بتاخد الصورة كانت بتقول لـ العرايس.. قربوا قربوا يعني هي يعنى عندها كده لمسات إنسانية ودفئ".

إطلالة الفنانة حنان مطاوع فى حفل فرحة مصر (1)

إطلالة الفنانة حنان مطاوع فى حفل فرحة مصر (2)

إطلالة الفنانة حنان مطاوع فى حفل فرحة مصر (3)

إطلالة الفنانة حنان مطاوع فى حفل فرحة مصر (4)

إطلالة الفنانة حنان مطاوع فى حفل فرحة مصر (5)