فيسبوك
واتساب
لو بتدور على فسحة حلوة ورخيصة في قلب القاهرة، فمعرض الزهور في المتحف الزراعي بالدقي هو اختيار ممتاز ليك ولعيلتك، خاصة إنك بتذكرة واحدة تقدر تدخل 8 متاحف وتلف يوم كامل وسط الزهور والمساحات الخضرا.
المكان بيجمع بين الجمال والطبيعة وكمان المعلومات، هتشوف أنواع مختلفة من النباتات والورود، وكمان تزور متاحف زراعية متنوعة بتعرض تاريخ الزراعة فى مصر بشكل بسيط وممتع.
المعرض مناسب لكل الأعمار، وتقدر تقضى فيه يوم لطيف وتتصور صور حلوة، والأجمل أن التكلفة بسيطة جدا ومناسبة لأى ميزانية.
