محمد عبد الوهاب: لن أنسى تجاوز إمام عاشور وكنت ضد انتقاله للأهلى

أكد محمد عبد الوهاب عضو مجلس إدارة النادى الأهلى الأسبق أنه لن يغفر لإمام عاشور لاعب المارد الأحمر التجاوز ضد صالح سليم رئيس القلعة الحمراء الأسبق.

وقال محمد عبد الوهاب الذى يحل ضيفاً على برنامج "النجوم في رمضان" :"كان عندى تحفظ ورفض لصفقة انتقال إمام عاشور للأهلى، إزاي أتعاقد مع لاعب تجاوز ضد صالح سليم رمز النادي، ولحد دلوقتى مش قادر أغفر ليه التصرف دا".

ويضيف عضو مجلس الأهلى الأسبق:" إمام عاشور يلعب في أي حتة إلا الأهلى، لاعب كبير وجامد وأحسن لاعب في مصر ونجم النجوم في المنتخب مش في الأهلى بس، ولكن لو هتعاقد معاه كنت رجعت الحضري والتوأم وإبراهيم سعيد".

وتابع محمد عبد الوهاب :"مش هعلق على تصرفاته وقت رحلة تنزانيا ولا العقوبة لأنى من الأول رافض الصفقة".

محمد عبد الوهاب : مبدخلش الأهلى عشان البعض رافض وجودي

كما أكد محمد عبد الوهاب أنه لا يدخل القلعة الحمراء إطلاقا بالوقت الحالي، وقال عضو مجلس إدارة النادى الأهلى الأسبق: "تواجدى في النادى الأهلى مش مريح لبعض الناس ولا مرحب بيه ، والناس مش حابة وجودى ، عشان كدا مش بدخل النادي قولت اسيبهم يشتغلوا براحتهم ".

ويضيف عضو مجلس الأهلى الأسبق:" وقت وجودنا في المجلس كنت الصندوق الأسود للنادي ، ومكنش حد يعرف عننا حاجة ، كان عندنا مشاكل بس محدش يعرفها ، كان الزمالك بيتعلم مننا الهدوء "، وتابع محمد عبد الوهاب :"دلوقتى الزمالك سبلنا المشاكل وخد الهدوء".