نبيلة عبيد: كل أفلامى قريبة من قلبى وكنت بختار السيناريست المناسب لكل رواية بقدمها

أكدت النجمة الكبيرة نبيلة عبيد، أن جميع الأفلام التي قدمتها على مدار مشوارها الفنى قريبة من قلبها، حيث دائما كانت تختارها بعناية شديدة على حد قولها بدءً من عرض القصة علي مرورا بصياغة السيناريو والحوار.

وقالت النجمة الكبيرة نبيلة عبيد في مداخلة هاتفية لتليفزيون اليوم السابع :"كل الرويات والأفلام اللى أنا عملتها قريبة منى، بداية من روايات إحسان عبد القدوس.. زى مثلا (العذراء والشعر الأبيض) و(سقطت في بحر العسل).. و(لا يزال التحقيق مستمرا).. وخد بالك كل الحاجات دى من تأليف أستاذ إحسان عبد القدوس، كنت أقوله أنا عايزة رواية يقولى خدى أقرى دى.. هو اللى كان دايما يقدملى الروايات اللى شايفها تصلح لتقديمها فى السينما.. يعنى مثلا زى "الراقصة والطبال" و"الراقصة والسياسى"، هو برضه اللى قايلى عليها وكذلك فيلم "أيام فى الحلال".

وأضافت عبيد قائلة: "فأنا كنت بودى الروايات بقى لمؤلفين يكتبوا السيناريو كنت ببقى دقيقة أوى فى النقطة دى.. وكنت دايما بكون واثقة طالما معايا سيناريست كبير، ومخرج كبير وكذلك صاحب الرواية كاتب كبير فبكون واثقة إننا بنقدم حاجة كبيرة".