فيسبوك
واتساب
قدمت أماني الأخرس فيديو جديد من برنامجها «أماني بتحكي»، استعرضت خلاله واقعة سائق ميكروباص في البحيرة رفض يركّب الركاب بسبب شنط السفر، في محاولة لفرض أجرة أعلى عليهم.
معاك شنطة سفر... وعايز تركب ميكروباص؟
في البحيرة، سواق رفض يركّب الركاب اللي معاهم شنط... والسبب إنه كان عايز ياخد منهم أجرة زيادة!
الحكاية بدأت لما سيدة نشرت فيديو وصورة على مواقع التواصل الاجتماعي... اشتكت فيهم من تصرف السواق، ورفضه تحميل الركاب اللي معاهم شنط سفر.
وبعد فحص الفيديو... الأجهزة الأمنية قدرت تحدد العربية وتضبط السواق.
ولما واجهوه بالواقعة... اعترف إنه رفض يركّب الركاب اللي معاهم شنط سفر، عشان يفرض عليهم أجرة أعلى... وده حصل يوم 10 من الشهر الجاري، في أحد المواقف بدائرة قسم شرطة أبو المطامير.
وفي النهاية... تم التحفظ على العربية، واتخاذ الإجراءات القانونية اللازمة ضد السواق.
