جنى إبراهيم الثامنة على الجمهورية: "ماكنتش مصدقة.. وطب قصر العينى حلمى"

أعربت الطالبة جنى إبراهيم خليل إبراهيم محمد سالم، الحاصلة على المركز الثامن على مستوى الجمهورية في الثانوية العامة 2024/2025 – الشعبة العلمية (علوم)، عن سعادتها الغامرة بتفوقها، من  خلال مداخلة هاتفية مع تليفزيون "اليوم السابع"، مؤكدة أنها لم تتوقع أن تكون ضمن الأوائل على مستوى الجمهورية، رغم الجهد الكبير الذي بذلته طوال العام.

جنى، الطالبة بمدرسة الشهيد علي أحمد شوقي الثانوية للبنات التابعة لإدارة المعادي التعليمية بمحافظة القاهرة، حصلت على مجموع 315.5 درجة، وقالت خلال الاتصال:

"أنا مش مصدقة نفسي لحد دلوقتي.. كنت بذاكر وبحاول أعمل اللي عليا، لكن السنة كانت صعبة جدًا، ومع ذلك كنت دايمًا بقول هابذل مجهودي والباقي على ربنا."

وأضافت:في أوقات كتير كنت حاسة إني مش قادرة أكمّل، لكن دعم ماما وبابا هو اللي شجعني، كانوا أكبر سند ليا، وكانوا دايمًا ورايا في كل خطوة."

وعن طموحها المستقبلي، أكدت جنى بثقة كبيرة:

"نفسي أدخل طب قصر العيني.. ده الحلم اللي مستنياه من زمان، وإن شاء الله يتحقق قريب."

ونهت المداخلة  و وجهت جنى رسالة إلى زملائها من طلاب الثانوية العامة

"ابذلوا أقصى ما عندكم، ومتقارنوش نفسكم بحد.. كل واحد ليه ظروفه وطريقه، وربنا مش بيضيع تعب حد."