كتبت دعاء عبد العزيز شوشة، أرملة المهندس أحمد عاطف المعروف بـ"مهندس الدقهلية" الذى قتل على يد صديقه، رسالة مؤثرة وذلك بعد مرورها لأول مرة على مكان مقتله، حيث دفعه صديقه من أعلى كوبرى جامعة المنصورة.
وكتبت فى رسالتها: "أنا من يوم اختفاء أحمد لحد وفاته مدخلتش الشقة ولا حتى روحت جبت منها حاجة لحد ما اخواتى نقلوا كل العفش وكنت متشائمة بل معقدة من المنطقة اللى كنت عايشة فيها لدرجة إنى واخدة قرار مروحش هناك أبدا لأى سبب، مش هدخل القاعة اللى كان فيها فرحى أبدا.... مش هتعامل مع أى بنك أو أى محل هناك، كنت بجيب طلباتى من وكالة المنصورة عمرى ما أنا دخلاها تانى أبدا الحاجات دى كلها ممشتش فيها خطوة إلا وأحمد معايا".
دعاء عبد العزيز شوشة
النهارده بقا من سخرية القدر كنا فى مشوار بخصوص وفاة أحمد ومن الزحمة اضطررنا نرجع من على كوبرى الجامعة.. المكان اللى جوزى مات من عليه شفت السقالة أو الإنشاءات اللى أحمد وقع عندها شفت ورد النيل اللى حفظ أحمد ووقفه.. شفت الارتفاع اللى جوزى حبيبى اترمى من عليه".
وأضافت :"قعدت ادعى لأحمد كتير وإن ربنا يجعل فزعته دى مأمن وأمان ليه من فزع يوم القيامة وربنا يرحمه ويسكنه الفردوس الأعلى يارب العالمين ربنا يوسع قبرك مد بصرك ى حبيبى..بس النصيب الأكبر من الدعاء كان على القاتل ربنا يتقبل منى ويجعل الباقى من عمره قليل ويعيشه فى فزع ورعب من أول ما يتحكم عليه بالإعدام لحد التنفيذ ربنا يجعل الباقى من عمرك كله خوف ورهبة..ربنا يقهر قلب أهلك وذويك عليك زى ما انا مبنمش..وحياتى اتحطمت بسببك".
تم أضافة تعليقك سوف يظهر بعد المراجعة