شارك الشاعر فتحى جمال محمد، "اليوم السابع" بقصيدة جديدة، بعنوان "بدائي"، وذلك ضمن مشاركة كبار وشباب الشعراء فى قراءة نصوصهم الجديدة.
بدائي
مخلوق بدائي ...بكتشف
معنى الحياة والوقت
وازاي تكون الأرض
طعم الجمال اللي ف عنيكي بسمعه
طعم الحياة ...بيخلي ريقي يسيل
ضمة شفيفي فوق شفيفيك
رحلة الليل المسافر ..جوة قطر الشقيانين
يا مدحين...
الغنوة دي علي قد مين
جوايا قلب ...بيوجع الليل والشوارع
مين السبب ف الأختلاف
والليل ...
الليل نهار الأسئلة
أصعب ما فيها الناي ..دموعه حنينه
وابسط ما فيها ...دقة البندول
أنا مش بزقل طوب
واعاتب ربنا
أنا اللي عاش مصلوب وباصص للسما
ف الزرع لخضر شوك !!
والحب ...
ماحلي الحب ...ف استحالة قربنا
مين اللي غنا ع الطريق ...شنطة سفر ؟؟
اللي شاف الجرح ...أحلي أحساس ف الوجود
اللي فتش ف القلوب سعت السفر.
ومشفش أية مالي الجيوب
أنا لية بدوب ؟؟
ساعت مبص فعين حببتي والمحك
أنا اللي موجود ف الوجود ولا الوجود مني اتوجد
يا اللي أنت فرحان ب البشارة
مين فينا والد مين ولد
يا اللي انتي نسيا انك ف قلبي ...
دمعي ...
نفسي اتولد دمعة ف عنيكي
تم أضافة تعليقك سوف يظهر بعد المراجعة