فيسبوك
واتساب
أنا كنت ماشى لمحت خروف----بيرتعش هيموت م الخوف
سألته ليه ؟ بَصّ وقال لى ----ياعم سيبنى اِعمِل معروف
*******
أنا الضحيّة انت الأكّيل ------وراضى بس ارحمنى وشيل
جميع ذنوبك يغفرها----------إلهنا لمّا الدم يسيل
******
بعد الصلاة تلقى جلودى------مسلوخ أنا زى جدودى
بأمر رب الناس والكون-------وهوّ دا سرّ وجودى
******
بدبحى تحلوّ الأعياد---------وفرحة العيد والأولاد
وحتى غندورة مزقطط--------وعمرو أمجد ويّا زياد
******
وتقسّمونى تلات تلاتات-----تلتين هدية مع الصدقات
وتُلت لاجل البيت فرحة----- ومغفرة ربّ السموات
