فيسبوك
واتساب
هى: أشاعر أنت بما فى نفسى؟
هو: نفسى فى حلة محشى .
هى: أتعلم انى وحيدة وأنا معك ؟
هو: معايا المرتب خديه واشترى كل طلبات البيت،
هى: أريد من يشاركنى شعورى ؟
هو: شعرى طول ومحتاج أروح للحلاق
هى: اشتاق للبحر. ينعشنى صوت الموجة
هو: موجة كوميدى حتجيب فيلم حلو انهاردة .
هى: رائحة البحر تشعرنى بالحياة .
هو: الحياة الحمرا حتجيب فيلم البحر بيضحك ليه !
هى: اتشاركنى فى مشاهدة الفيلم لنستمتع سويا ؟
هو: مابتفرجش على الهيافة .
هى: أريدك أبى و أمى .
هو: امى جايه تتغدى عندنا انهاردة .
هى: ترى لو عاد بى الزمن .، هل ساختارك مرة ثانية ؟
هو: فى ثانية تخلصى المحشى علشان جعان .
هى: ماذا لو اخرجتك من حياتى ..، هل سأجد من يحيطنى بحبه ؟
هو: كلنا سحنة واحدة ..، انت فى مصر يا هبلة،
هو: احمدى ربنا ع النعمة اللى انت فيها ..، اشاعير ومساحيس إيه اللى بتخرفى وتقوليها ديه ..، دة احنا طافحين الكوتة ..طالعين نازلين نشتغل ولا الثور فى الساقية .مستحملين روتين الحكومة و قرف المواصلات و تناحة الناس ..عاوزين لما نرجع بيوتنا نرتاح ونقعد على الكنبة .، مالكم ومالنا ؟ ما تسيبونا فى حالنا ! سيادتك ناقصك حاجة ؟ ولا علشان شبعت وعيشتك ارتاحت !
هو: ماتبصى لغيرك ..، اللى بتتهان واللى بتنضرب واللى جوزها بيخونها .، واللى مابيصرفش عليها و بلاوى كتير ..، قال بحر و موجة قال !
هو: هيه ؟ حتقولى ايه ؟
هى: مااااااء
