يتعرض مريض السكر لانخفاض مستوى السكر فى الدم نتيجة زيادة معدلات الأدوية التى يتناولها أو لقلة كمية الطعام بالإضافة إلى قيام المريض ببذل مجهود عضلى غير متوقع وزائد.
وأوضح الدكتور محمد سعد حامد، أستاذ الغدد الصماء والسكر بكلية طب جامعة عين شمس، أن انخفاض مستوى السكر فى الدم، قد يحدث بسبب أورام البنكرياس أو خلل فى وظائف الكبد والكلى أو خلل فى الغدة الكظرية، والتى تؤدى إلى نقص انتاج هرمون الكورتيوزون مما يسبب انخفاض السكر وضغط الدم فى نفس الوقت ، مما يسبب احتياج العضلات إلى الجلوكوز لتؤدى عملها .
وأشار استاذ الغدد الصماء لـ" اليوم السابع"، أن الأعراض التى تصاحب انخفاض مستوى السكر، تشمل الدوخة والتوتر وعدم التركيز مع زيادة كمية العرق البارد و رجفة فى القلب، و رعشة فى اليدين .
وأكد أن نقص السكر يحدث لمدة تتراوح ما بين بضع دقائق إلى عدد من الساعات وإذا حدثت اثناء النوم أول عرض يحدث هو الغيبوبة، ولكن فى معظم الحالات يدافع الجسم عن نفسه ويفرز هرمونات تؤدى الى ارتفاع شديد فى السكر كرد فعل مبالغ فيه.
وأشار طبيب الغدد الصماء والسكر، إلى أن العلاج يكون عن طريق تناول سكريات فى صورتها العادية سواء كانت مذابة فى الماء، حتى يفيق المريض من الغيبوبة، ثم يتوجه إلى اقرب مستشفى او طبيب لان هناك حالات تتطلب الحجز فى المستشفى لبضعة أيام.
عدد الردود 0
بواسطة:
بنت مصرية
عرض وليس مرض !!
انخفاض سكر الدم مش مرض فى حد ذاته , ومش لازم يكون الشخص مريض سكر علشان يحصلله انخفاض سكر , أى حد ممكن يحصلله انخفاض سكر , سكر الدم بيعتبر منخفض اذا قل عن 70 , فى الشخص الطبيعى لما سكر الدم بينخفض , الجسم بيفرز هرمونات تخليه يعلى , يعنى الجسم يحرق من مخزون الدهون فى الكبد والعضلات ويحولها لجلوكوز فيرفع السكر , فى الشخص غير المريض بالسكر اعراض انخفاض السكر كلنا نعرفها , وبتعانى منها كل الناس فى الصيام فى الفترة بين العصر والمغرب , وبتتلخص فى الشعور بالجوع , العصبية وسهولة الأستثارة , الخمول وعدم القدرة على بذل مجهود , عادة فى الشخص الطبيعى الموضوع مش بيزيد عن ده , انما لو هبوط السكر لسبب مرضى , فالعيان بيعرق ويترعش ويبقى ماشى يتطوح كأنه سكران وكلامه مش مفهوم وأخيرا بيفقد وعيه , بيغمى عليه يعنى , ده ممكن يحصل لحد مش مريض سكر لأسباب تانية , زى كون الشخص يبقى عيان وعنده اسهال وارتفاع حرارة وترجيع , أو يكون بذل مجهود كبير بدون ما ياكل كفاية خصوصا لو كان نحيف , أو يكون عنده متلازمة سؤ امتصاص الغذاء من الجهاز الهضمى , يعنى العيان بياكل ولكن الأمعاء مش بتمتص عناصر الطعام فيبقى كأنه مبياكلش , أو يكون عنده مشكلة فى افراز الهرمونات المسئولة عن ضبط سكر الدم , أحيانا هبوط السكر بيكون من علامات بعض الأورام السرطانية !! الخلاصة ان هبوط السكر عرض مش مرض , لو حصل بشكل عرضى زى ان العيان يكون بذل جهد بدون أكل , أو يكون مريض وعنده قىء واسهال وارتفاع حرارة لأى سبب , أو يكون صام بدون سحور فسكره هبط على آخر النهار , يعنى ببساطة سبب هبوط السكر معروف , فخلاص المشكلة هتتحل بعلاج سببها , انما لو هبوط السكر بيحصل بشكل متكرر وبدون أسباب واضحة للعيان , فلازم يروح للطبيب يدور على سببه ويعالجه , وبلاش الجملة المصرية الشهيرة اللى بتعزى اليها كل الأمراض من وجهة نظر أهل العيان , ( اصل انت مبتاكلش كويس ) !! حتى لو مبياكلش كويس فعلا فده مش سبب كافى لأن سكره يهبط كل يوم والتانى !! الخلاصة ان العلاج السريع للحالة بأن العيان ياخد سكر فى صورة مية بسكر أو عصير أو حاجة حلوة , انما العلاج الدائم للحالة بيكون بمعرفة سببها وعلاجه , تمنياتى للجميع بالصحة والعافية .
عدد الردود 0
بواسطة:
حماده
الي الأستاذه الفاضله / بنت مصريه
الأستاذه الفاضله / بنت مصريه أولا: تحياتي لحضرتك ثانيا : أنا معنديش سكر والحمد لله علي ذلك وهذا فضل من الله علي ثالثا : هل لك صله بالطب ولا ده مجرّد زيادة اطلاع من سيادتك في علوم الطب من خلال مراجع طبيه أو من الأنترنت .. لأن كلام حضرتك فيه جزء كبير من الصحه .. لأن المدام عندي في بعض الأحيان مش كثير نرغب في أكل أي حاجه حلوه فجأه كده .. وهي والحمد لله ليس عندها سكر .. ولكن كما ذكرتي سيادتك تقريبا هذا شئ عارض وليس مرض رابعا : معلهش أنا متأسف لي سؤال عند حضرتك وهو : ليه حضرتك لاتذكري اسمك وتكتفي بذكر صفة بنت مصريه في كل تعليقاتك وأنا دائما اطّلع عليها ؟ أكرّر آسفي ده مجرّد سؤال عفوي .. أرجو ألا يكون سؤالي هذا يسبّب لك زعل أو ضيق .. انشر يايوم السابع .. مع خالص تحياتي -