فيسبوك
واتساب
عرفت قلبك بالنقاء
علمتى قلبى إزاى يعيش
سقيتى روحى برقتك
وحنانك اللى مينتهيش
ضحكك يلون ضحكتى
ضيك ينور سكتى
غيرك أنا.. ميهمنيش
جوه عيونك جنتى
كل منايا وفرحتى
جواكى حب ميتحكيش
إزاى كلامى يوصفك
والله لا يمكن ينصفك
فكرت لكن بعترف ..
كل المعانى
.. متساويش
عشانى ياما اتحملتى
و ف كل صعب كملتى
و لراحتى ياما أنتى سهرتى
زى عطائك لامفيش..
لو عشت أنا
عمرى عشانك
ولا يسوى وردة ف بستانك
لو جوه عيونى ده مكانك
والله حتى ميوفيش ..
دانتى يا أمى فى شريانى
وتملى دايما فاهمانى
مهما حكيت أنا عن قلبك
كل الكلام ميكفيكيش
