نصر فتحى اللوزى يكتب: تفاؤل

مجموع اعداد السنة للخير براهين   الجاية زوجى عدد ميعرفش نداله

بدون باقى يقبل القسمه على اتنين   يحب يزرع الفرحة بالحق وعداله

ميزان العيشة بين كل الناس كفتين   كفة الصبر والتانية بالعمل شغاله

الايد العرقانه دفيانه بمدد للموازين   واللقمة الهنية لكل ايد مش بطاله

لا يحتاج سلف عين صاحبه بسكين   يقابله الداين بضحكة تبقى اذلاله

ملعون مذلة بالنهار وهم ليل الدين   العرق غطا العزة وكرامة الرجاله

على قد عرقنا نعيش كلنا راضيين   تبقى القناعة بالحلال هى لنا كماله

اتناشر مجموع السنة ست السنين   شايفها شايله سبت فى اجمل حاله

سامع من بعيد نحيب صراخ وانين   سألت قالوا جنازة الفساد بأشكاله

مهما كان منصبه البسيط والمتين   موت الفساد لا نسمح ابدا بترحاله

خفيف الدم قال زى مجنون ولعين   بانت عورته مفيش خشا ولا حماله

مصر هتبقى قد الدنيا طول السنين   قفزاتها للمجد دايما فكرتنى بغزاله

دا حلم انا باحلمه ولكل المصريين   ولكل عقل بحبها خزنة لها وشياله

الحلم دا املنا واحنا كلنا صاحيين   ويقين حبنا يحقق لكل منا كل آماله