سارة درزاوى تهنئ صديقتها إسراء عبد الفتاح بزفافها على حمدى الميرغنى اليوم

حرصت الفنانة سارة درزاوى نجمة مسرح مصر على تهنئة صديقتها وزميلتها فى الفرقة إسراء عبد الفتاح بمناسبة زفافها اليوم على الفنان حمدى الميرغنى.

ونشرت سارة صورة لها بصحبة إسراء وهى تحتضنها، عبر حسابها بموقع تبادل الصور "أنستجرام"، معلقة عليها قائلة : "البنت الطيبة الجدعة اللي ربنا رزقها من فضله إنها عرفت تختار شريك المشوار والرحلة .. اختارت سند .. اللي واقفة جنبه وهتفضل كده عشان هي من أصل طيب".

كما وجهت التهنئة لحمدى الميرغنى قائلة : "و البني آدم الراجل أوي .. عشرة عمري ... الجدع أوي أوي .. اللي كان اد كلامه ووعوده واختار بنت الناس اللي تسنده في الدنيا .. اللي شايلها في عينيه ومراعي فيها ربنا".

وتابعت : "إخواتي اللي ربنا رزقني بيهم .. بارك الله لكما .. وبارك عليكما .. و جمع بينكما في خير .. و حرسكم من كل أذي .. ومن كل نفس حاقدة أو حاسدة .. ربنا يرعاكم ويحفظكم ويسعدكم .. ويرزقكم عمر طويل سوا .. مليان فرحة وسعادة".

واختتمت كلامها قائلة : "فرحتي ماتتوصفش كأنه فرحي أنا والله .. وأهو باين من أول صورة. الحلم بيتحقق.. أخت_العروسة #أخت_العريس".

سارة درزاوى

ويحتفل الفنان الكوميدى حمدى الميرغنى بزفافه على زميلته الفنانة إسراء عبد الفتاح اليوم الإثنين ، فى أحد الفنادق بالقاهرة، ويدخلان القفص الذهبى، وسط حضور زملائهما من فريق "مسرح مصر" والفنان أشرف عبد الباقى وعدد من مشاهير الفن.

وكان حمدى الميرغنى احتفل يوم 24 أبريل الماضى، بعقد قرانه على إسراء عبد الفتاح، وحضر الحفل عدد كبير من المشاهير، منهم أشرف عبد الباقى، وكريم فهمى، ومحمد أنور، ومصطفى خاطر، وماجد المصرى، ومحمد عبد الرحمن، وسارة درزاوى، وويزو، وأحمد فهمى، ومحمد ثروت، وأمير مرتضى منصور، وسليمان عيد، وأوس أوس.