فيما يشبه عاصفة الغضب على موقع التغريدات المصغرة تويتر، انفجر جماهير الأهلى والمدونين ورواد الموقع فى وجه حسام البدرى بعد أدائه الفني شديد التواضع أمام نادى الشرقية وخروجه متعادلا فى الدورى الممتاز.
فمن جانبه كتب المدون إبراهيم كريس: "حسام البدرى عايز 600 ألف جنيه فى الشهر عشان يفرجنا على العك ده كل أسبوع والله ما يستاهل 6 جنيه فى السنة حتى".
وكتبت المستخدمة "هاميس" من خلال حسابها على موقع توير للتغريد المصغر "تويتر"، قولها: "حد يفهم حسام البدرى إننا مش الزمالك عشان نستحمل كام تعادل ورا بعض حسام البدرى بيضيع تاريخ الأهلى والماتش الجاى هزيمة ثقيلة وافتكروا".
أما المدونة يوكا فكتبت قائلة: "إزاى يا صالح يا حبيبى متجبش 20 جول وما تعملش 200 أسيست فى الـ4 دقايق دول حسام البدرى له حق ميلعبكش فعلا".
ومن جهته كتب المدون "اللهم بلغنا رمضان" فى رسالة لحسام البدرى: "أنت مغرور وفاشل، كلفت النادى ملايين للتعاقد مع لاعبين كانوا نجوما فى فرقهم ودلوقتى أنت دفنتهم رياضيا.
وفى السياق قال المدون، عاطف خاطر، من خلال حسابه على موقع تويتر: "والله يا جماعة الأهلى كبير أوى أوى على حسام البدرى حتى لو خد الدورى وإفريقيا هيفضل على قده برضه مع إنى أشك فى موضوع إفريقيا ده أصلا".
يذكر أن هاشتاج حسام البدري يتصدر تويتر ضمن الموضوعات الأكثر تداولا بين المصريين، عقب تعادل الأهلى المخيب لآمال جماهيره أمام نادى الشرقية فى المباراة التى جرت بينهما ضمن منافسات الدوري العام الممتاز وانتهت قبل قليل.
إبراهيم كريس
الترند
اللهم بلغنا رمضان
أيام غبرة
عاطف خاطر
هاميس
يوكا
عدد الردود 0
بواسطة:
.
.
اشرب بقه يابو (بصه جنان )
عدد الردود 0
بواسطة:
.
.
الغرور بداية النهاية يا (ابو بصه )
عدد الردود 0
بواسطة:
.
.
لو كان كسب الشرقية كان طلب مليون جنيه راتب شهرى والبص براحته على خلق الله
عدد الردود 0
بواسطة:
جحا
انا لي رأي آخر
لاعبو الاهلي بيتآمروا لطرد حسام البدري دون ان يخسروا الدوري. واضح من رد فعل سعد سمير ان علاقة حسام البدري باتت سيئة جدا مع عدد كبير من لاعبي الاهلي مثل عماد متعب و علي معلول و صالح جمعة و سعد سمير و تضم قائمة المتذمرين من حسام البدري مؤمن زكريا و وليد سليمان و محمد الشناوي و احمد عادل عبد المنعم و حديثا حسام غالي و عمرو جمال و العديد من الصفقات الجديدة التي لم تأخذ فرصتها. لاعبي الاهلي يقومون بواجبهم بدون فاعلية لاثارة الجمهور علي البدري و التعجيل برحيله. و هذه المؤامرة يشترك فيها اكثر من لاعب.
عدد الردود 0
بواسطة:
مجدي سلامه
حسام البدري
يا حسام يا حسام بكره تطير الحمام
عدد الردود 0
بواسطة:
عمرو
هروب حسام البدري
يا جماعه متضغطوش علي حسام البدري كده ليهرب تاني زي ماهرب قبل كده ههههههههههه كانت سقطه لمجلس اداره الاهلي اصلا انه يرجعه بعد ماهرب لاء وايه اللي يشوف كده يقول راح يدرب روما مثلا ههههههههههههه المريخ السوداني حضرتك اللهم لا اعتراض
عدد الردود 0
بواسطة:
اسلام
ايهاب جلال ضفره برقبته
مدرب متواضع جدا واللى مساعده انه بيدرب فريق بحجم الأهلى ده لو درب اي فرقة تانية بالدورى هيوقعها ... بس نقو ايه بى ارزاق
عدد الردود 0
بواسطة:
محمد ابراهيم
الكبر والغطرسه
اعتقد اللى بيحصل دى غضب ربنا على حسام البدرى من ساعة قام بنظرة الازدرا ء للحكم وتكبر واعتقد انه السبب ان الاهلى بطل الدورى . وهو لايعرف ان الاهلى هو اللى بيكبر المدربين والدليل على ذلك اغلبية المدربين المؤقتين الى دربوا فى النادى اخذوا بطولات
عدد الردود 0
بواسطة:
.
.
نظر للحكم محمود عاشور باحتقار واضح فى مشهد من أسوأ مايكون ورفض الاعتذار أو حتى الاعتراف بخطيئته فأذله الحكم العدل رب السماوات والأراضين السبع ومابينهما ونزع حبه من قلوب الناس وخالفه التوفيق...ان فى ذلك لأيات لأولى النهى..
عدد الردود 0
بواسطة:
.
.
الراجل لقى نفسه بياخد 400 ألف جنيه فى الشهر والحكم المسكين بياخد 400 جنيه فى الماتش فبص له باحتقار وقاله (انت مين يابو الملاليم ) ومن يومها وحسام البدرى ركب قطار النحس نحو الهاوية وقريبا جدا لن تكون لأبو بصة أى ذكرى فى عالم التدريب...عارفين ليه لأن من تواضع لله رفعه....بصة التكبر تلك يجب أن تدرس لتكون عبرة لكل من تسول له نفسه التكبر على خلق الله..