وادى حياتنا نغبشة
مش قلتها
فاكر يا صاحبى وقتها
كنا سوا
اتنين وتالتهم هوى
بس بإيمان.. أيوه بإيمان
علمتنى عشق المكان
آخد بلادى بين ضلوعى أضمها
أفرش حنينى بأرضها
علمتنى أن الكلام
نبتة فى احضان القلق
إن الكلام هوّه الحياة
مش حبر على حبِّة ورق
علمتنى وحاجات كتير
كان قلبى لسه بينتظرها
منك أنت يا حبيبى
أصلك القلب الكبير
كده سيبتنى
وسط الحكاوى سيبتنى
وسط الغناوى سيبتنى
وسط الطريق
لا شعاع ولا حتى بريق
طب ليه يا صاحبى سيبتنى
هوّه كدة فعل الصديق
طيب يا صاحبى الله يسامحك
وكفاية أن القلب شايل فيه ملامحك
والله فى عونى يا حبيبى
هوّه واحده يداوى جرحك
هوّه واحده يداوى جرحك
تم أضافة تعليقك سوف يظهر بعد المراجعة