انفعل الإعلامى أحمد شوبير على الحكومة المتمثلة فى القيادات الأمنية، بسبب تقاعسهم أمام جماهير الألتراس وعدم التصدى لهم، خاصة بعد أحداث الشغب التى قاموا بها أمس الثلاثاء، واقتحموا تدريبات الأهلي بفرع مدينة نصر، واعتدوا على اللاعبين والجهاز الفنى.
شوبير منفعلاً على الحكومة: "إحنا بهايم وفهمونا... by youm7
وعرض شوبير فى برنامجه، المداخلة الهاتفية التى أجراها الرئيس عبد الفتاح السيسي فى أول فبراير الماضى مع الإعلامى عمرو أديب، وقال خلالها رئيس الجمهورية: "الكابتن شوبير قال فى مسألة المفروض ناخد بالنا منها، لكن ماخدناش بالنا". وأوضح: "لما يطلع رئيس الجمهورية يقول هذا الكلام على الهواء أمام العالم بأكمله، يبقى المفروض ناخد بالنا بعد كدة، ولا هنفضل قاعدين خائفين من صفحة أو بيان يشتمنا، ويفضل اتحاد الكرة ومجالس الإدارات مرتعشة".
وأضاف: "قسم مدينة نصر يبعد 400 متر عن فرع النادى الأهلي، والجمهور يقتحم ويعتدى على اللاعبين وده كله ومفيش فرد أمن موجود؟! ولولا أمن النادى لحدثت مهزلة"، واستكمل شوبير حديثه منفعلاً: "يا جماعة قولوا لنا عايزين إيه وفهمونا علشان احنا بهايم مش بنفهم، وفكرنا ضيق ومحدود، فقولوا لنا ومشونا على السكة اللى عايزنها، لأنكم الحكومة.. الألتراس اقتحموا مدينة الإنتاج وحاصروا البيوت وضربوا اللاعبين، مستنيين إيه بعد كل ده؟!".
وتابع حارس الأهلي السابق: "مينفعش عيل صغير 13 أو 14 سنة ماشى بالسجارة والترامادول ويعمل كدة.. وبقول للجهات المسئولة يا ريت يوضحوا لنا عايزين إيه، علشان منطلعش نغنى فى حتة وهما فى حتة تانية".
عدد الردود 0
بواسطة:
شداد
الاعلاميين
احمد سوبير انت كتر واحد عايز الدنيا تولع انت ومدحت شلبي
عدد الردود 0
بواسطة:
عرفة عبد السلام
اعتراف علانى ان جمهور الاهلى مبرشم وبياخد ترامادول
جمهووووووووووور الاهلى مبرشم و بيضرب ترامادول
عدد الردود 0
بواسطة:
عادل
منهم لله
منهم لله اللي دعوكم انت ومرتضي في الحفل اياه عام 2013 وبعدين ليه متتكلمشي وتنفعل علي اخوك الهربان في امريكا ياويكا .؟
عدد الردود 0
بواسطة:
Eng. Hesham
عيب يا شوبير
والله يا شوبير انت عارف ان الالتراس هم صناعة الاهلى ودايما الاهلى بيحتمى في جماهيره حتى لو ضد الدولة وانت من الناس اللى كانت بتدعم الالتراس طيب السحر انقلب على الساحر وياريت الداخلية تبعد شوية وتسيب الموضوع بين الاهلى وجماهيره ولا دلوقتى هنعيط . من زمان مرتضى منصور واقف لوحده للالتراس بقوة ومجلس وادارة الاهلى واقفة مع الالتراس وبتدعمه وبتحتمى فيه ضد الدولة . عفوا وزارة الداخلية لا تتدخلى بين الاهلى وحماهيره وخلى الاهلى زى ما حضر العفريت يصرفه . وأخيرا يا شوبير انت عايز جنازة وتشبع فيها اعلام عشان الإعلانات تزيد و المصالح تستمر.
عدد الردود 0
بواسطة:
طرازان
ملحوظة !!!!
الى رقم 2 ليس معنى اللى راح مدينة و نصر و هاجم النادى و هو يرتدى الفانلة الحمراء يبقى اهلاوى و لو قلعها و بقى بالملابس الداخلية البيضاء اذا كان بيرتديها يبقى زملكاوى ... اللى راحوا دول فعلا شويه عيال بلطجية لا اهاليهم ربتهم و لا حتعرف تربيهم لا نهم بالعربى مقاطيع ... دول ابناء الشاطر و مجموعته ... امال ازاى تخرب البلد و فى الاخر يتباكى عليهم بأن مستقبلهم حيضيع ... أظن دلوقتى لابد من اجراء معاهم ... أما الحلوف رقم 3 احنا بنتكلم فى موضع معين ... اتكلمت انت فى موضوع تالت ... بتعلق على اخو شوبير ... و مال شوبير و اخو ... اخوة مثلا قتل ... مين اللى راح يتحاكم ... فمش من حقك تحاكم شوبير على فعل ارتكبة اخوه ... يارب تكون فهمت
عدد الردود 0
بواسطة:
عبد الصمد
افهمك أنا يا شوشو ..
الألترس مش شوية عيال "صيع" أو مشجعين متعصبين هنخوفهم بعصاية أو نضربهم قلمين هيخافوا ويجرو لا دول لا مشجعين ولا بيحبوا النادي ولا هم اصلاً من جمهور الاهلي المحترم ولا يعرفوا حاجة عن الكورة ده تنظيم زي داعش كده صنعته اجهزة سيادية بالتعاون مع أحد قيادات الحزب الوطني المنحل لتنفيذ اهداف محددة في فترة محددة ولكنه خرج عن السيطرة وانقلب السحر على الساحر كباقي التنظيمات الارهابية فالتعامل معه له ابعاد وتوازنات وحسابات اخرى لانعلمها لأن التعامل معه بالطرق التقليدية لن يحل المشكلة وستكون النتائج كارثية وهيروح فيها "ناس كبار" فهمت وإلا اقول تاني ؟!!.
عدد الردود 0
بواسطة:
جمال حسن
تأييدى لعدم تدخل الشرطة ، وارجو ان يظلوا على هذا الخط
قد لايكونوا هؤلاء هم الألتراس ، وقد يكونوا شوية صبيان مرتزقة ومدفوع لها كمان ، وقد يكونوا -وربما بالتأكيد - مبرشمين وترامادوليين - لكن عارفين ليه الشرطة لم تتدخل ؟؟؟؟ لأن هؤلاء الرعاع هم من اصبحنا "بنعظم لهم تعظيم سلام " من بعد الثورة المجيدة ثورة يناير ، الأشكال دى هم ابطال محمد محمود وحرق المجمع العلمى ومحاصرة وزارة الداخلية ومجلس الوزرا ومجلس الشعب والمحكمة الدستورية ، وإستاد بورسعيد و مجزرة إستاد الدفاع - نوعيات "رممية" من البشر لايصلح معها غير ضرب النار المباشر ، ولكن حتى يومنا هذا مازال ضباط وجنود من الشرطة "يحاكمون" بسبب تصديهم لهؤلاء "الجراثيم" امام تظاهراتهم وإقتحماتهم وسطوهم على اقسام شرطة وسرقة السلاح !!! فهل سيادتك عايز دلوقتى ان الشرطة تتصدى لهم بسبب إقتحام "تمرين الغفلة" بتاعك ؟؟؟
عدد الردود 0
بواسطة:
ابو العربى
فهمتم ايه اللى حصل فى بورسعيد الوقت و لا لسه
قلت الحق يا شوبير انتم فعلا بهايم مش فاكر كنتم بتقولو ايه يوم مباره المصرى رغم انكم كنتم تعلمون الخراب و الدمار الذى قام به الالتراس بميدان السكه الحديد و شارع محمد على ببورسعيد فى 2011 قبل كارثه 2012 و قله ادب الالتراس و استفزازهم لجماهير المصرى معتقدين انهم فوق الجميع و لكنهم لم يدركو انهم اذا كانو فوق الجميع فالبورسعيديه اسياد الجميع
عدد الردود 0
بواسطة:
محمد العصفوري
بلطجية الاهلي
لو تمعنا فليلا لوجدنا ان كل مشاكل الرياضه المصريه سببها الاهلي جمهور جاهل+لاعبين بلطجيه+كراهية جماهير الانديه الاخري للاهلي بسبب التحيز التحكيمي للاهلي\\\\\\طيب عرفنا السبب يبقي الحل ايه\\\1/تطبيق القانون بلا رحمه علي من يخالفه2/تطبيق العداله في الملاعب اعلي صوتي العداله العداله العداله
عدد الردود 0
بواسطة:
محمد عبدالله
بلاش انت يا شوبير
اتعلم انت الأول الأدب محدش ناسي الي عملته مع احمد الطيب علي الهوا وفاقد الشي لا يعطيه محدش مع الألتراس وخلي النصيحة مش منك تكون من واحد غيرك والرئيس المحترم ماكنش عارف وجهك الحقيقي لما اتكلم عنك وما اعتقدش يجيب اسمك تاني وفينك يا احمد الطيب الي قال انا مش حسيب حقي مافيش مبادئ ولا قيم وياريت يوقفوا الدوري سنة أول واحد حيصوت أحمد شوبير