فيسبوك
واتساب
تعبت وتعب تفكيرى
من كتر ما بسمع من غيرى
ايه الصح وايه الغلط
والحابل بالنابل اختلط
وليه سؤال فى كلمتين
احنا مين وفين؟
عايشين ولا مش عايشين
موجودين على الخريطة
ولا بالحيا مدفونين
متقدمين ولا متأخرين
ولا ما حصلنا الاثنين
وعل الحال ده من سنين
بالصبر راضيين
وفى الرحلة تايهين
نحلم واحنا صاحيين
والحلم ما تشوفه العين
وف مركب النسيان
جوانا كتير احزان
والفرح يمر علينا
وكأنه ما كان
المركب من غير شراع
ومظهر الدنيا خداع
يمر بينا الزمان
وفينك يا بر الامان
حد يقولى فين العنوان
وفين الراحة فيك يا زمان
تهنا والدليل مش معانا
ومش ماشية الدنيا على هوانا
وبسالك يا دموع العين
أحنا مين وفين
صورة أرشيفية
