قلبى ده طول عمره جدع
يا ما أتوجع وياما أتفجع
من ييجى مية حد أتلدع
ولسة جدع، طبعه كدة
ماشفتش قلب بالشكل ده
بيحب بجد فده وده
كتير قالو عليه عبيط
مع انه هو مش كده
يمكن يكون حلمه بسيط
أصله متربى عالرضا
قلبى منهم أتظلم
أصل دينهم الجحود
ولو بنى لهم الهرم
برده هيسيبوه يموت
تعب منهم وتعبت أنا
وعمره ماهيندم عاللى راح
حلمه وحبه جواه انتنى
وانشق جسمه من الجراح
يا ما صبر ياما تعب
ولا عمر حد حس بيه
وآخر حاجة لما غلب حبس همه كله فيه
مش ناوى يرجع للى باعه واللى ذاعه انه عبيط
د أصله طيب ودمعه قريب وحلمه أصلا يا ناس بسيط
صورة أرشيفية
لا توجد تعليقات على الخبر
تم أضافة تعليقك سوف يظهر بعد المراجعة