تحكى عن اصحابها..من غير ما تستأذنهم !!... تبادلها التحية من غير ما تعرفها !!. من اول نظره ... حوارات فى قرارات ... وفصله تجر فصله تتجمع العبارات .. ونبتدى الحكايات بتبادل النظرات ! .
وبادى العيون ! ... عيون نقرب لها وعيون نهرب منها ! ... عيون يشاورلك ضيها و كأنك من زمان عايش دربها !! .... تفكر تحتار، يأخذك الحنين لأرضها!. فى فرحك تودك ومن حزنك تشدك ، تلف بيك بلاد تشيلك وبلاد تحطك !! تختصر مسافات وتقرب ثقافات !! .. وانت ؟!... هايم فى العيون !!
عيون فى الإحتواء..حنان!!، وفى الصمت؟!..حنين شارد وعلامات من الإستفهام !! . وفى تفسير لغاتها .. ما يكفينا موسوعاتها !! ... وموجه تجر موجه تدووب جزر الأوجاع فى بحورها!!. ويا جبل ما يهزك ريح ولا يغلبك طيار !! عيونك تلف البحار، نقائهم يبدل الفصول ، يهرب الخريف ومن رائحة الورود ينتعش الوجود... فى عيونك ربيع العمر موجود !.
وعيون جاذبيتهم صاحبة سيادة !!.. تحكم وتتحكم وبوصلة إحساسك عالية بزياده!!.. وانت سارح فى النظرة الآخاذه !!! .. ويا طلتك برسمتك .. و يا رشاقة خطوتك ... ولاَّ انتصاراتك على صرعاتك !!!... انت بعالمك المفقود ساكن حدقة عيون !! ... تقرب لها وكأنك مش شايف ضيها !! .. وإن غابت تجرى تسأل عنها !!.. وتطول بينكم المسافات يوم ما تشرد منها !! .. وترجع تتبعثر بيك الخطواط !.. وتتلغبط فى النظرات !! ولو طلت وسحرها .
و نفكر ونحتار !. نصدق العيون؟! ، ولا نسبح مع التيار ؟! .. ونسأل واجابة عيونا تسبقنا ! .. ونظارتنا تكدب كلماتنا المتبعثرة فى عبارتنا !! .. والغير معلن من نظرة يبان !!.. يطفى على القرار بهتان !!.. عيونا تروح هناك ، واحنا هنا فى نفس المكان !!! ...ونفسر وندرو ونألف ونحور ، ويا سلام لو بالسلفى نصور !!
والسر خبرات متكدسة جوه الجفون!!.. جاذبيتها فى سحر العيون !!... تكشف لنا الطالع ... اللى على الجبين مرسوم !!.
تم أضافة تعليقك سوف يظهر بعد المراجعة