رواد "تويتر" يتداولون صور النائبة دينا عبد العزيز.. ويؤكدون: الصوت الخافت ليس ضعفا

تداول رواد موقع التواصل الاجتماعى "تويتر"، صوراً ومشاهد لاختلاط النائبة دينا عبد العزيز، ممثل دائرة حلوان فى مجلس النواب، مع أهل وأصحاب المحال بدائرة حلوان،وهى النائبة التى أثارت موجة من الجدل والسخرية بسبب صغر سنها وصوتها الخافت خلال أداء القسم.

وقال أحد المغردون فى تدوينة مدافع عنها "صوتها واطى .. رقيقه .. هادية .. احنا بنحكم غلط على بعض فى 7 ثوانى، خد ثانية زيادة واحكم صح ".

وأضاف "شوفت كمية هلس وتريقه على البنت الرقيقة النائبة دينا عبدالعزيز، بعض منها " هو البرلمان دا حلو كدا ليه - البرلمان شديد - اموت فى البرلمان - والخ الخ " من القلش على رقتها وأنوثتها وقولت اروح أعرفها .. فأكتشفت اللى انت هتتصدم بيه ده، مش بالشكل ولا بالأوصاف إوعى تحكم ع الكتاب من الغلاف . لقيتها راجل وبنت بلد والناس فعلا بتحبها فى الدائرة بتعتها .. خد شوف دى نبذة كده عن دينا عبدالعزيز ".

وتابع "مرشحة مجلس النواب 2015 أبنة حلوان.. ماجستير علوم سياسية جامعة القاهرة باحثة دكتوراه فى العلوم السياسية.. باحث اقتصادى بوزارة التعاون الدولى كاتبة مقالات رأى سياسية واجتماعية..اتشهرت فى حلوان بـ"مع بعض هنقدر" اللى هما ميبوسوى ، دينا كانت مرشحة مستقلة ملهاش حزب.. وحملتها كانت قائمة عليها فى كل حاجه من عمل اللافتات واللف فى الشوارع وقهاوى حلوان .. فى الصور هتشوفها بتلف كل مكان بنفسها وماسكه فلايرز توزعها على الناس فى القهاوى وتكلمهم وكمان راحت مراكز الشباب ولعبت مع الشباب كمان بينج .. دينا .. عملت إلى تقريبا معملوش مرشح كسبان فى البرلمان ده .. وكسبت فعلا بمجهودها .. وتعبها"