عينى عليك يا زمن فيك العجب
ناس بتفطر رمضان وناس بتصوم رجب
وناس مشية على رجليها
وناس مشية على عجل
وناس حالها حال
وناس حالها مال
وناس دبحها حلال
وناس بدور على سكن
وناس بلعة الوطن
وناس عيشتها غم وحزن ونكد
*****
طول عمرك يا بلادى
رسمك قدامى
شايل فى كفوفى
أحزانك وأحزانى
يا أرض الهرم والنيل
يا أرض الناس الطيبين
أرفعى راسك من الطين
واغسلى هدومك المتوسخين
وأتوضى وصلى ركعتين
*****
اة يا بلد لو حالك يتعدل
لو تمشى عدل
لو الجلاد ينجلد
كان الجنين غنا
فى بطن أمه من قبل ما يتولد!!
ورقة وقلم
لا توجد تعليقات على الخبر
تم أضافة تعليقك سوف يظهر بعد المراجعة