فيسبوك
واتساب
كل الحكاوى الطيبة
سمعتها عنك فى الصبا
قالوا إنك دفا
قالوا إنك شفا
قالوا إنك صابرة وصبارة
قالوا إنك ضحكة
تشيل طعم المرارة
قالوا إنك سكر
فى وسط العلقم
وصاحية للفجر
بتدعى بحرارة
قالوا إنك شمسى
قالوا إنك ضلى
قالوا إنك عبير الحياره
قالوا بضمة قلبك أحيا
قالوا بطرب صوتك غنوة
قالوا عنك كل الحكاوى
بس إحساسى بيك
خلى الدنيا تحلى بعنيكى
خلى الفرحة مرسومة بيكى
خلى كل حاجة تتحاكى بيكى
خلى الحنية تداوى الأسية
وتحامى وسط البرد بهدية
هى أنتى يا أمى
ياكل حاجة
يا فرحة بزيادة
يا شمعة أيدة
يا رمز الإرادة
يا سر السعادة
ورقة وقلم - أرشيفية
