وائل عبد الودود حسين يكتب: الفقر وسنينه

الفقر فى العالم زاد وقل كمان معاه الزَّادُ
الفجوة بين الناس وسعت والمساواة خلاص انعدمت
الفقر بقى علة وداء مرض خبيث ولا له دواء
والمشكلة عماله تزيد توسع تكبر ولا فيها جديد
الفقير يزيد فى الفقر جوع وتعاسة وقلة عمر
يحس أن كل شىء ضده ولما يفرح الحزن يصده
الناس تبعد عنه مع أن الفقر مش ذنبه
وكل شىء يزيد ثمنه والفقير يتحرق دمه
عايش فى الحياة محروم كيانه بات معدوم
يبات حزين مهموم والجسم أصبح مهزوم
وكفه بالفقر مشقوق وللقمة حلال كله شوق
نفسه طعم الراحة يدوق وكأن رقبته فيها حبل وطوق
وياما ناس من فقر المال فى الحياة باعت العيال
ناس زاهدة من البؤس والحرمان وناس تكره نفسها من اسمها الإنسان
أصل الفقر غربة فى الوطن والغنى فى الغربة وطن

الفقر مش بس فى الجوع الفقر فى إذلال الروح والخضوع
ويسألوا إزاى الحب يعيش ومفيش حتى لقمة عيش
الفقر مش فى المال وبس وفى البخيل لو ما أحس
الحل فى الزكاة والصدقة هما طوق النجاة والبركة
رسالة لكل الأغنياء ساعدوا الفقراء
اعطوا كل محتاج وفروا لكل مريض علاج
احفظوا ليهم كرامتهم أقضوا ليهم حوائجهم
وبدل ما تخلق فقر وعاهة عقد ونفوس محتاجة
ساعدوا البشر وعيشوا ببساطة يعيش الفقير بنفس مرتاحة