يمين بالله يا أحلى بلاد الكون
لأقوم أدعى عشان المولى ليكى يصون
وأصلّى لك وأغنّى لك
وأنور كل قناديلك
وأحطّك جوّة شريانى
يا كل الحب وكيانى
وأقول للدنيا دى بلدى وعروس الكون
*****
يمين بالله ليجيلِك عيال وبجد
يكونوا الشمس والضلّة
وهيمدّوا عليكى مدّ
وحتى لو طوفان جالك
يكونوا المُحتمى والسدّ
يكونوا دليل وثورة جيل
وصوت الحق وقت الجدّ
******
يمين بالله
ليرويكى عرق شعبك
وتطلع نبتتك تفرح
بفرح الدم فى قلبك
وتِنده ع القمر ييجى
وتِسهر تحت رجليكى
ما هى منّك
وأنا بيكى
ووقت الشدة يا بلدى
نرابط لك ونفديكى
نهر النيل - صورة أرشيفية
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
ثتاء محيى
قمة الوطنية
رائع سلمت يداك
عدد الردود 0
بواسطة:
ثتاء محيى
قمة الوطنية
رائع سلمت يداك
عدد الردود 0
بواسطة:
محمود على دمنهور
روعة جدا
تحيا مصر