بالفيديو.. بطاطين الغلابة وأنواعها وأسعارها .. وتجار:”البسطاء هم مصدر أكل عيشنا”

تعددت أنواع البطاطين الغير معروفة فمنها ما يصنع بشكل رسمى فى مصانع معروفة فى محافظات محتلفة وأبرزها فى مصانع المحلة ومنها ما يصنع بطرق غير شرعية تحت بير السلم .

البطانية التى يستخدمها الغلابة لمواجهة البرد القارص ، منها ما يصنع فى محافظة الغربية بمركز المحلة ، ومنها بطاطين مستعملة وإعادة تدويرها من جديد لتوفير بطانية بسعر يقدر الغلبان يشتريها.

ويقول وهيب أحد تجار بولاق أبو العلا :”دى البطانية الشعبى اللى سعرها مش بيزيد عن 100 أو 120 جنية ، وتختلف اختلاف كبير عن باقى أنواع البطاطين المتواجدة فى الأسواق عشان دى بطانية “الغلابة”.

ويتابع :” أسعار بطاطين الغلابة تختلف من حين لآخر ، فأسعارها تبدأ من 25 جنية إلى حوالى 135 ، فمنها ما نجد سعره 25 و 35 و 40 و 55 و 65 و 85 و 100 و 105 و 125 و 135 .”

وأكد على أن أسعار البطانين تختلف من بطانية إلى أخرى على حسب جودتها والمواد والخامات المصنعة منها، مضيفا أن البطانية الغامقة سعرها مختلف عن البطانية الفاتحة فهذا يدل على درجة الغزل المصنعه منه ، ومنها أيضا المصنع من الصوف ، وهناك اختلاف أيضا على حسب مقاس البطانية .

أما عن البطاطين المستوردة من الصين والهند والإمارات وغيرها ، قال وهيب” أن أسعارها تبدأ من 150 جنية الى 600 و 700 جنية فمنها الطبقة الواحدة ومنها الطبقتين ،مضيفا أن العديد من الباعة يطلقون عليها البطانية القطيفة ، مؤكدا أنها مصنوعة من البوليستر.

وأضاف :” الإقبال الطبيعى على تجارة البطاطين هو موسم الشتاء .. إحنا مش بنشوف إقبال غير لما الناس تحس بالبرد قوى يعنى”، وأضاف أن هناك بعض الناس المقتدرة التى تلجا إلينا فى موسم الشتاء لشراء كميات كبيرة وتوزيعها على الغلابة بشكل شخصى ، مضيفا أن البيع بالكميات الكبيرة” المكسب فية بيكون مش كتير بس طعمه بيكون حلو” عشان بنبيع كمية كبيرة بتتوزع على ناس غلابة محتجاها ، ودورنا فى كده “إنى بجيب البطاطين من المصانع فى المحلة وبوصلها لحد المشترى المقتدر ومش عاوز أكسب فيها غير 2 جنيهات غير مصاريف النقل .