فيسبوك
واتساب
ابكى يا قلبى على اللى راح
عمر الموت ما يداوى جراح
وصوت القنابل ما تهزش
إلا اللى قلبه ضعيف
والحق صوته عالى
ولو كان فى زنزانة
الجبان بيدارا ورا أفعاله
والحر فى الميدان بيموت
وشهادته بقياله
طول ما الأيادى ضعيفة
والحكومه رعشانة
يموت ابن البلد
وتتيتم أطفاله
وهيبة البلد بتضيع
مع كل فعل خسيس
ودم الشهداء بيبتسم
فوق ترابك يا وطن
القلب جواه حزن وسكن
والليل نسايمه هادية
بتبكى على أوجاعك
والشعب ماله تمن
بيموت على ترابك
تنهيدة ومكتوبة على جبينى
يا بلادى سامحينى
عطشانة عيونى للفرح بأديكى
ضمينى
ورقة وقلم - أرشيفية
