ماحدش يجيب سيرة وقف النشاط تانى!

يعنى نعمل إيه تانى علشان يرجعوا الكورة تانى، ويشوفوا لهم أى منطقة ثانية يصفوا فيها حساباتهم.. سواء بعض رجال مجلس الأهلى ومعهم الرئيس، فهو من جهة يخشى أن يعود الدورى فيصبح مطلوبا منه أن يبرر لماذا فجأة أصبح الأهلى الغنى جدا مش لاقى فلوس!

كمان ممكن بلاغات العاملين فى الأهرام المؤسسة ينظر فيها فى النائب العام!
كمان هو منتظر أن تكون علاقة هادى خشبة توغلت أكثر فى «دولة الإخوان»!
ده غير مصيبة أن الـ8 سنوات هايتم تطبيقها، يعنى كل الدفاتر الحمراء ستكون تحت المنظار!

فى الزمالك يريد رئيسه صديق حمدى ألا يفكره أحد بأنه عيش الجماهير فى البالوظة، على أنه سيصرف الملايين، بس منيين مش عارفين!

أما شماشرجية اللاعبين فموقفهم أصعب هايعملوا صفقات، ولا الاحتراف القانونى سيطبق، فلا يمكن لأى كائن من كان أن يبيع ويشترى لاعبين بدون رخصة، والرخصة عايزه فكة.. والفكة عليها رقابة حبتين!

الآن فيه رئيس منتخب، ورئيس حكومة «مختار».. وسيتم تنصيب إخوانى على هامش الرياضة فهل سيقدم عودة صناعة الكرة كأنها بركاتهم؟!

كل ده.. والناس الغلابة اللى بـ«الملايين» ودخلهم من الكرة جنيهات معدودات والناس النص.. نص كمان مصالحهم معطلة!

هل هو تعطيش للسوق حتى يتم إفقار - من الفقر - من يدورون فى فلك الكرة.. لأنه من المعروف أن الفقر ينتج عنه فرص لبيع النفوس التعبانة مش الضعيفة؟!

يارب الناس هاتعمل إيه.. فكها بمعرفتك.. بحق شهر رمضان الكريم.
لكل هؤلاء نقول الكورة لازم ترجع وموعدنا مع السوبر.. وإلا؟!