المخرج شريف منير يتحدث عن السوق الإعلانى المصرى فى بودكاست الشغلانة

تحدث المخرج شريف منير، عن تطور الأفكار الإنتاجية في سوق الإعلانات المصري، مقارنة بالسوق العالمي، موضحاً أسباب ذلك التطور والبيئة التي يعمل فيها صناع الإعلانات خلال الفترة الأخيرة، أثناء تواجده ضيفاً في بودكاست الشغلانة، الذي يقدمه الناقد الفني آسر أحمد، ويتناول من خلاله كواليس صناعة السينما والدراما والمسرح والاعلانات.

وقال المخرج شريف منير: "السوق بيفرض على الناس داخل مجال الإعلانات حاجات معينة، عندنا في مصر منافسة مش موجودة عند حد تاني، ودا بيخلق بيئة حلوة جدا للصناعة، إحنا في مصر كل يوم بيطلع منتج جديد أو أبلكيشن جديدة، وهتلاقي كل المستويات وكل الأسعار، إحنا في بلد بنتنج حاجات كتير أوي وبنخلق علامات تجارية كتير جداً، سواء أكل أو خدمة أو حاجات كتير".

وأضاف في حديثه ببودكاست الشغلانة: "كل دا بدأ يخلق بيئة مناسبة للتطور في مصر، أنا لو بس اتأخرت شهرين هبقي قديم، لازم تبقى طول الوقت عارف إيه اللى بيحصل في الحياة، لأنك لازم تدرس نفسية المشاهد، علشان تخلق إعلان مناسب له، تخاطب الإنسان المبسوط إزاى والإنسان الزعلان إزاي، كل واحد بيتكلم بطريقة معينة".

من هو المخرج شريف منير

بدأ المخرج شريف منير مشواره في عالم الإخراج عام 2018، وسبق وعمل ضمن فريق الـCreative في طارق نور، بالإضافة إلى مشاركاته مع شركات عالمية في صناعة الإعلانات.

الموسم الثاني من بودكاست الشغلانة

ويعود الموسم الثاني من بودكاست الشغلانة للزميل آسر أحمد، بتفاصيل وضيوف من قطاعات جديدة داخل المشاريع السينمائية والدرامية والمسرحية والموسيقية، حيث يضم الموسم الجديد ضيوفاً من التوزيع الموسيقي والتلحين والإنتاج الفني الدرامي والسينمائي والإخراج المسرحي والـstunt والكثير من القطاعات المختلفة.