أميرة إسماعيل: البروديوسر داخل الشركة يواجه ضغوطا أكبر لكنه يكتسب خبرة واسعة

تحدثت البروديوسر أميرة إسماعيل عن تفاصيل الفرق بين البروديوسر الفري لانس والبروديوسر داخل الإيجنسي، خلال حلولها ضيفة في الحلقة الخامسة من الموسم الثاني لبودكاست الشغلانة الذي يقدمه الناقد الفني آسر أحمد.

وقالت في حدثها: «الفرق بين البروديوسر الفري لانس، بتبقي حر نفسك، الناس تجيلك أنا عندي شغلانة ما خدها نفذها، وفيها تفاصيل كتير أوي، وفي البروديوسر اللى بيكون شغال في شركة دا كل يوم بيعمل برودكشن بلان وكل تفاصيل البروديوسر، ودا بينفذ بنفسه عادي».

وأضافت فى حديثها: «الضغط في البروديوسر اللى شغال في شركة بيكون أكتر بكتير، وبشوفها هي تجربة ليها مرحلة في الكارير بتاعك لازم تعملها، الوقت اللى عاوز تاخد فيه كثافة معلومات وخبرة مش هتتحق لك غير في الشغل داخل شركة، ولو أنت مش شريك أو بيجلك نسبة من أرباح الشركة ساعتها مش هتكون مجزية».

من هى أميرة إسماعيل

أميرة إسماعيل منتج فني ومستشارة إنتاج، تمتلك أكثر من 15 عامًا من الخبرة في إدارة وتنفيذ إنتاج الحملات الإعلانية والأفلام الوثائقية والبرامج التليفزيونية، وشاركت في تقديم الخدمات الإنتاجية لعدد من الإنتاجات العالمية المصورة في مصر، إلى جانب عملها في تطوير وكتابة مشروعات سينمائية وتليفزيونية، ومن آخر اعمالها فيلم المخرج العالمي جاي ريتشي Fountain of Youth بطولة جون كراسينسكي وناتالي بورتمان.

الموسم الثاني من بودكاست الشغلانة

ويعود الموسم الثاني من بودكاست الشغلانة للزميل آسر أحمد، بتفاصيل وضيوف من قطاعات جديدة داخل المشاريع السينمائية والدرامية والمسرحية والموسيقية، حيث يضم الموسم الجديد ضيوفاً من التوزيع الموسيقي والتلحين والإنتاج الفني الدرامي والسينمائي والإخراج المسرحي والـ stunt والكثير من القطاعات المختلفة.