فيسبوك
واتساب
يسلط مسلسل اللون الأزرق الضوء على معاناة أسرة طفل مصاب بالتوحد واسمه "حمزة" ورحلتهم في البحث عن العلاج والدعم، وذلك ضمن موسم دراما رمضان 2026 ، وقام بدور حمزة الطفل على السكرى الذى يبلغ من العمر 6 سنوات ولفت أنظار الجميع منذ ظهوره في الحلقة الأولى بسبب موهبته وأدائه الطبيعى في المسلسل حيث اعتقد الكثيرون أنه طفل مصاب بالتوحد .
وفى تصريحات خاصة لـ اليوم السابع قالت أمال عصام والدة الطفل على السكرى،" مسلسل اللون الأزرق هي أول تجربة تمثيل لـ على ولكن الحمد لله الناس كلها مبسوطة بأدائه وموهبته وانا كمان اتفاجئت بيه وبموهبته ".
وعن بداية اختياره للدور قالت "هوعمل أوديشن عادى جدا زى كل الأطفال واختاروا 4 أطفال كان منهم على واتدربوا لمدة أسبوع وانا مكنتش لسه أعرف الدور إيه والمخرج سعد هنداوى والمساعدين اختارو على في الأخر وبلغونى بالدور، وقتها خوفت لأن الدور صعب وعلى معندوش توحد ولا يعرف عنه حاجة قبل المسلسل، لكنهم دربوه وفهموه يعنى إيه توحد وهو بقى عنده وعى وعاوز يعمل الدور عشان يساعد أطفال التوحد، وفيه دكتورة متخصصة في التوحد هي اللى كانت بتدربه على بعض المشاهد وإنه ازاى يتقمص الدور ويتقنه".
وأضافت،" الحمد لله ردود أفعال الناس كلها كانت جميلة واتبسطت بيها جدا لدرجة إن فيه ناس كانت بتكلمنى عشان تسألنى "هو عنده توحد بجد ولا ده تمثيل"، وده كان شيء بيبسطنى أكتر لإنه عرف يتقن الدور لدرجة إن الناس صدقته رغم إنه في الحقيقة طفل شقى جدا مش هادى زى دوره في المسلسل، حتى الممثلين معاه مبسوطين بيه، و جومانة مراد كانت بتقولهم إنه شاطر وموهوب"
وتابعت" كواليس التصوير كانت صعبة جدا عليه لإنه بيصور وقت طويل وكان بينام في وسط اليوم ولكنهم كانوا بيشجعوه وهو كان بيقاوم عشان يكمل المسلسل وحابب أوقات التصوير معاهم لدرجة إنه كان بيعلق على التصوير وبيدى رأيه في المشاهد".
وقال الطفل على السكرى لـ اليوم السابع" انا حبيت ردود أفعال الناس على دورى في مسلسل اللون الأزرق، وانا عملت الدور عشان أساعد كل الأطفال اللى عندهم توحد انا عارف أنهم مش بيقدرو يتكلموا كويس بس هما شاطرين وممكن يتحسنوا، وبحب أحمد مالك وطه الدسوقى ونفسى أمثل معاهم".
كل ما يخص مسلسلات رمضان 2026.. اضغط هنا للدخول إلى بوابة دراما رمضان 2026
الطفل على
الطفل على السكرى بطل اللون الازرق
الطفل على
جومانة مراد والطفل على
على السكرى والفنان احمد رزق
على السكرى
فريق عمل اللون الازرق
كواليس العمل
مسلسل اللون الازرق
