إيساف يشيد بأمانة شاب من الأقصر أعاد تحويل مالى كبير بالخطأ

حرص المطرب إيساف على الإشادة بشاب من مدينة الأقصر أعاد مبلغا ماليا كبيرا تلقاه بالخطأ بتحويل تليفوني، وقام الفنان الشاب بنشر القصة عبر حسابه الرسمي على "فيس بوك".

وكتب إيساف في مشاركة له اليوم: "حولت مبلغ كبير بالغلط واتصلت بيه ورد عليا قلتله حولتلك فلوس بالغلط قالي فعلا حصل وهرجعهم لك حالا وفعلا رجعهم في دقيقة، كلمته حبيت اعرف هو مين ومنين وعنده كام سنة لقيته من الأقصر بلد الأصل والأصول والكرم أنا رحت قبل كده وشوفت فيها أطيب ناس وكرم مالوش حساب وطلع شاب عنده 22 سنة بس راجل عارف الصح من الغلط مع إن السن ده غالباً بيشوف الحاجات دي فهلوة إلا من رحم ربي، عرفته بنفسي وقلتله ده رقم تليفوني ويشرفني اسأل عليك ديما وتسأل عليا، وتحية للأب والأم اللي ربوا لأن النموذج ده أصبح قليل جدا في أيامنا دي بصراحة ( دنا مرة حولت 200 جنيه ) بالغلط كلمتهم لقيتهم عيلة كاملة قاعدة مع بعضها قلتلهم أنا حولت فلوس بالغلط شتموني ههههه وده الفرق بين الجعان والشبعان".

آخر أعمال الفنان إيساف أغنية "مش جدع" وهي من كلمات أحمد شكري وألحان وليد سامي وتوزيع أحمد أمين.

وطرح إيساف كليب بعنوان "ضيف شرف" عبر موقع يوتيوب، والأغنية من كلمات وألحان محمد مجدي، وتوزيع أحمد أمين، والكليب من إخراج نبيل مكاوي وهو أول تعاون يجمعهما.