باسم علي يكشف سبب استبعاده من جهاز منتخب مصر المعاون

كشف باسم علي، المدرب المساعد السابق بالجهاز الفني لمنتخب مصر، سبب عدم تواجده ضمن الجهاز المعاون لـ علي ماهر، المدير الفني الجديد للفراعنة، استعدادًا للمرحلة المقبلة.

وكتب باسم علي عبر خاصية «ستوري» بحسابه الرسمي على موقع «إنستجرام»: «حابب أوضح سبب استبعادي، لأن فيه معايير للاتحاد الأفريقي، ولا بد من حصولي على الرخصة A عشان أكون موجود، وآسف لو موضحتش لكل الناس اللي بتابعني، وكل التوفيق لمنتخبنا وللجهاز بقيادة الكابتن علي ماهر المحترم».

باسم علي

وكان باسم علي قد وجه رسالة دعم ومساندة إلى علي ماهر وجهازه الفني، مؤكدًا تمنياته لهم بالتوفيق، وكتب: «قدر الله وما شاء فعل، أولا وأخيرا، وربنا دايمًا عمره ما يعمل حاجة وحشة لأي إنسان، وأنا راضي بحكمته، فالحمد والشكر دائمًا لله».

وأضاف: «أتمنى من الناس مساندة ودعم الكابتن علي ماهر وجهازه الفني المحترمين، واللي ليا الشرف إني كنت واحد من ضمنهم، وبتمنالهم كل التوفيق في المرحلة اللي جاية، وكان نفسي أكون موجود معاهم».

واختتم رسالته بالتأكيد على أن تمثيل منتخب مصر شرف عظيم لأي مدرب، متمنيًا التوفيق للجهاز الفني الجديد في مهمته المقبلة.