عفاف شعيب: أحمد زكى وهو طالب كان عبقرى فى تقليد عبد الناصر والسادات وحليم

الخميس، 19 نوفمبر 2026 11:19 ص
الفنانة عفاف شعيب فى مداخلة لتليفزيون اليوم السابع مع عمرو صحصاح

حاورها عمرو صحصاح

تحدثت الفنانة الكبيرة عفاف شعيب، عن ذكريات وكواليس من حياة النمر الأسود أحمد زكى، والتي حلت ذكرى ميلاده أمس الأربعاء 18 نوفمبر، مؤكدة أنه كان موهوب للغاية، ومنذ صغره وأثناء دراسته فى الفرقة الأولى بالمعهد العالى للفنون المسرحية كان يتقمص شخصيات الزعيمان جمال عبد الناصر ومحمد أنور السادات، ومعهما العندليب عبد الحليم حافظ ببراعة شديدة.

وقالت الفنانة الكبيرة عفاف شعيب في مداخلة هاتفية لتليفزيون اليوم السابع: " أحمد زكى وهو ولد صغير كان موهوب في الحقيقة، بس هو كان علشان شكله كان مش مهتم طبعاً بمظهره، كان شعره منكوش على طول وكده، ويعني جاي بقى من الأرياف ولسه ما يعرفش الوضع في القاهرة شكله إيه فأتظلم في البداية، وبعدين أتاخد فى الدفعة بتاعتى ونجح".

وأضاف شعيب قائلة: "كان صوته جميل أوى، كان دايماً يقعد لوحده، ولما يقعد لوحده كان يقعد يغنى، وكان صوته جميل جداً، كان بيقلد مين بقى؟ الرئيس جمال عبد الناصر كان بيجيبه بالمللى!.. وبعدين بعد كده بقى يقلد صوت السادات برضه كأنه فعلاً الريس رحمة الله عليه أنور السادات، ولما كان يغني عبد الحليم حافظ ويغني "موعود"، أنت لو قاعد بعيد وما تبصلوش تقول إن عبد الحليم اللي بيغنى. يعني سبحان الله هو كان معجون فن بصراحة".




أخبار اليوم السابع على Gogole News تابعوا آخر أخبار اليوم السابع عبر Google News
قناة اليوم السابع على الواتساب اشترك في قناة اليوم السابع على واتساب



الرجوع الى أعلى الصفحة