أحمد السقا: فى المدرسة كنت بنضرب بس وأمى كانت بتاخدلى حقى

تحدث النجم أحمد السقا عن طفولته خلال حلوله ضيفاً فى برنامج "فضفضت اوى" تقديم المخرج معتز التونى، المذاع على منصة Watch it، حيث استعاد ذكرياته فى المدرسة قائلاً: "فى المدرسة كنت بنضرب بس من كل الناس، وكنت منطوي جدًا رغم إنى كنت بلعب كرة قدم".

وتابع أحمد السقا: "أمى كانت ست شديدة جدًا وكانت هي اللي بتاخدلي حقى فى المدرسة، بس كانوا بيحترمونى لما يكون في دورة كرة قدم في المدرسة، وكنت بقعد فى أو ديسك فى الفصل وعمرى ما جيبت ملاحق ولا كنت باخد أي دروس".

وأضاف أحمد السقا: "حصلي موقف غيرلى حياتى، وأنا في ثانوي مرحلة اكتشاف الذات حصل موقف غير مجرى حياتي رجعت واكل علقة جامدة وأمي حكت لوالدي، لقيت بابا قال لى خليك قاعد بره بدمك على السلم وبكره ترجع لى باستدعاء ولى أمر".

وروى أحمد السقا موقفًا طريفًا جمعه بالنجمة شريهان فى مرحلة الدراسة، قائلاً: "فى الوقت الذي كانت تشارك فيه بمسرحية "سك على بناتك" مع الراحل فؤاد المهندس، كنت أحاول لفت انتباهها عبر كسر القوانين لإخراج نفسه من الطابور، كخلع ربطة عنقه من أجل عقابه، قائلاً: "يا سلام لما تيجى تروح شداني من دراعى وموقفانى على الحيطة، يا خبر أبيض، أسعد واحد فى الدنيا، يخلص الطابور أبقى أتعس واحد في الدنيا علشان هيبقى فى عقاب بقى".