صديقة طفولة شيرين عبد الوهاب تبكى بأول ظهور لها: شقيت فى حياتها كتير (فيديو)

في مشهد إنساني مؤثر، انهارت شيماء، صديقة الطفولة المقربة للفنانة شيرين عبدالوهاب، باكية خلال أول ظهور إعلامي لها عبر تليفزيون اليوم السابع، وهي تتحدث عن رحلة صديقتها الطويلة مع التعب والكفاح، مؤكدة أن شيرين دفعت ثمن نجاحها مبكرًا، وتستحق أن تعود أقوى مما كانت.

وقالت شيماء، متأثرة: «شيرين شقيت في حياتها كتير، وتعبت عشان توصل للي هي فيه، عملت طريق حلو ووصلت لمكانة كبيرة، ومش عايزة أشوفها تنهار».

وأضافت أن صديقتها قادرة على تجاوز أي أزمة، متابعة: «نفسي ترجع تاني أقوى من الأول، لأنها قوية وبتعرف تقوم»، ووجّهت شيماء رسالة مباشرة إلى شيرين، قائلة وهي تنظر إلى الكاميرا: «بنقولك إنك حبيبتنا وإحنا فخورين بيك».

وأكدت أن أهالي المنطقة التي نشأت فيها شيرين يساندونها ويدعمونها، قائلة: «كل أهل منطقتك يا شيرين واقفين جنبك، وكل الناس هنا بتحبك ومشتاقة لك وبتدعي لك».

وكشف محمد شقيق شيرين عبد الوهاب، عن عدد من الحقائق في أزمة شقيقته الأخيرة شيرين عبد الوهاب، وذلك من خلال حسابه الشخصي على موقع فيس بوك، حيث قال: أقسم بالله العظيم 90% من الأخبار مغلوطة وغير صحيحة تماما والناس اللي بتاجر بيها في البرامج والمداخلات، محدش ساعد غير اتنين أحمد سعد وزينة بس ومحمود الليثي كان كل يوم عندها.

 
وأضاف محمد عبد الوهاب شقيق شيرين عبد الوهاب: احنا بقي بعيد ليه عشان اللي انته شايفينه ده حياتها عبارة عن حرب احنا لما تدخلنا في سنة 2022 من اربع سنين اتقال علينا ايه اننا نهبناها ومستفدين وناس وحشين طيب ماشي نجحوا انهم يبوظوا علاجها، وبعد أربع سنين ناس تانيه غيرنا أهم فنانين ومعروفين وملهمش مصلحة اللي بيدور معاهم جابوا كل تاريخهم القديم ودول كذا وكذا وإزاي دول اللي يعالجوها مين بقي اللي ليه مصلحة يطلع يشوه الناس دي زي ما شوهنا من قبلهم واللي طالع يقول مش صح انها تروح بيت صحبها كله بيتاجر عرفت منين حضرتك أنها راحت عندها ومتأكد أوى.

 
وأضاف محمد عبد الوهاب شقيق شيرين عبد الوهاب: زينة عدت عليها يوم قالتلها أنا حاسه إني تعبانة قلتلها المستشفى أهي قريبة يلا بينا راحت واطمنت عليها وهما هناك الدكاتره طلبوا منظار خدت بينج وماكنتش قادرة تركب العربية خدوها بسيارة إسعاف لحد بيتها دي كل الحكاية.. الصحفيين بتوعنا  بقي عرفوا ازاي عشان بيجندوا ممرضين في معظم المستشفيات.. تشوف حد مشهور عرفني بس وليك الحلاوة بس وكله بقي كتب وألف علي مزاجه، ليه بقي تحديدا الاتنين دول واقفين جمبها بجد عشان دول عشرة العمر نعرف بعض من قبل ما حد فيهم يبقي معروف من زمان عشره وستر وغطا وحاجات كتير أوى أي حد تاني بقي كله بيتاجر بيها الناس دي بقي دلوقتي هتزعل مني جدا عشان مكنوش عايزين حد يعرف أي حاجة عشان ميتفهموش غلط.