فيسبوك
واتساب
في وقت الأسعار بتغلي والدنيا ماشية بسرعة، الحكومة المصرية قررت تتحرك في اتجاه تاني.
اتجاه يفتح أبواب أمل حقيقية لملايين الشباب والعائلات اللي بتحلم بشقة.
ومن هنا جه إعلان "سكن لكل المصريين 7" اللي يعتبر أكتر من مجرد شقق، ده مشروع وطني بيفتح باب السكن، وبيدي فرص تمليك بأقل فايدة، وأطول فترة سداد، وفئات متنوعة تناسب دخل كل شريحة فينا.
النهاردة وزارة الإسكان، وبشكل رسمي، أعلنت عن فتح باب الحجز في مشروع "سكن لكل المصريين 7" من يوم21 مايو 2025 ولحد 4 يونيو 2025، بواقع 15 ألف وحدة سكنية بنظام التمويل العقاري.
الوحدات دي موجهة تحديدا لفئة متوسطي الدخل، وبيتم تخصيصها بنظام أسبقية الحجز، يعني اللي يلحق يحجز الأول له فرصة أكبر.
- الشقق موجودة فين؟ وإيه المواصفات؟
الطرح الجديد بيغطي كل حتة في مصر حرفيا:
- وحدات جاهزة للتسليم الفوري:
عددهم 396 شقة في محافظات زي الغردقة، جمصة، دمياط.
- وحدات تسليم خلال 18 شهر:
حوالي 9872 وحدة في مدن زي:
أسوان الجديدة، ناصر بأسيوط، رشيد، 6 أكتوبر، العاشر من رمضان، 15 مايو، بدر، حدائق العاصمة، المنيا الجديدة، بني سويف الجديدة، العلمين الجديدة.
- وحدات تسليم خلال 36 شهر:
5372 شقة في أماكن زي الغردقة (البداري)، جمصة، مغاغة، مطروح.
ومساحات الشقق بتبدأ من 90 متر وتوصل لـ 127 متر، يعني مناسبة جدا لعيلة صغيرة أو متوسطة.
طيب ايه هو نظام التمويل؟
- محدودي الدخل:
فايدة 8% سنويا
فترة سداد توصل لـ 20 سنة
مقدم 50 ألف جنيه
- متوسطي الدخل:
فايدة 12% سنويا
فترة سداد توصل لـ 20 سنة
مقدم 100 ألف جنيه
التقديم بيكون أونلاين، وكراسة الشروط متاحة على موقع صندوق الإسكان الاجتماعي.
أما مقدم الحجز بيتدفع في البريد بقيمة 100 ألف + مصاريف تسجيل 500 جنيه + 350 جنيه مصاريف إدارية.
وبالنسبة للاشتراطات بسيطة ومباشرة:
لازم تكون مصري الجنسية.
عمرك مش أقل من 21 سنة.
ما تكونش خدت شقة قبل كده في أي مشروع حكومي.
ولا حصلت على تمويل تعاوني أو دعم حكومي للسكن.
الدخل كمان ليه حدود:
بالنسبة لمحدودى الدخل:
- الحد الأقصى للأسرة شهريا : 15000 جنية
- الحد الأقصى للفرد شهريا : 12000 جنية
بالنسبة لمتوسطي الدخل:
- الحد الأقصى للأسرة شهريا : 25.000 جنية
- الحد الأقصى للفرد شهريا : 20.000 جنية
أهم المستندات المطلوبة:
• شهادة دخل حديثة.
• قسيمة زواج مميكنة.
• إيصال مرافق.
• صور بطاقات الرقم القومي.
• برنت تأميني.
• صور شهادات ميلاد الأولاد.
• إيصالات سداد جدية الحجز.
• استمارة الحجز والإقرار.
فلو أنت بتدور على فرصة حقيقية وسط زحمة الأسعار، "سكن لكل المصريين 7" مش بس إعلان، دي فرصة مدعومة من الدولة، فايدتها قليلة، والشقق منتشرة في كل مكان، والتقديم أونلاين.
