"يعنى ايه انتخابات يا ماما.. ويعنى إيه مرشح؟ وإزاى بنختار أحسن واحد.. وهو أنا ينفع أروح معاكى الانتخابات أختار زيك"، أسئلة كثيرة يطرحها الأطفال خلال فترة التصويت بالانتخابات الرئاسية وكذلك انتخابات مجلس النواب، فليس لديهم الوعى السياسى الكافى وهنا يأتى دور الأبوين فى تعريف أطفالهم بما يحدث فى شرح مبسط ما هى الانتخابات حتى يكون لديهم وعى سياسي وحب للوطن في طريقة بسيطة تناسب أعمارهم.
وفى هذا السياق، قال الدكتورإبراهيم مجدى استشارى الطب النفسى بجامعة عين شمس، لـ"اليوم السابع": "المفروض أن يكون لدى الأطفال وعى سياسى وحب لوطنهم، فى الغالب يكون لديهم معلومات مسبقة عن الانتخابات وفقًا للانتخابات التى تقام فى مدرستهم واختيارهم لرائد الفصل والمساعدين الطلاب وهكذا، ولكن على الأبوين دور كبير فى توعية الطفل بطبيعة الإنتخابات الرئاسية وأعرفه إن المرشح بيقدم برنامج إنتخابى أو خطة هيقدمها للبلد الفترة المقبلة، وبيكون فيه كذا مرشح وإحنا بنختار أكتر حد بنحبه وهيحافظ على بلدنا وهيقدملنا حاجات كويسة وهتساعدنا وإنه كمان هيقدر يحمينا".
وأضاف: "لازم نفهم الطفل طبيعة الإنتخابات عموماً وإنها ممكن تحصل فى أى مكان "المدرسة، النادى، الشركة..ألخ، وده اللى بنسميه الوعى السياسي إن لا أتحدث معه فى السياسة ولكن بفهمه الحقوق بتاعته و كيفية الاختيار وبنفهمه اننا بنختار أحسن ناس فى المكان ده وبنخليه يتفرج على الإنتخابات ويعرف يعنى إيه تصويت وإزاى الناس بتختار والمرشحين بيقدموا نفسهم إزاى، وبنحاول نبسطها لهم بالتدريج عشان يبقى فاهم وعنده وعى".
تم أضافة تعليقك سوف يظهر بعد المراجعة