العيد هو العيد ولكن الاحتفال دائمًا ما يختلف باختلاف الأشخاص المحيطين بنا، وباختلاف دورنا أيضًا في هذا الاحتفال ومسئولياتنا، ولذا سألنا البنات في سنة أولى زواج عن أوجه الاختلاف بين قضاء العيد في عش الزوجية مقابل الاحتفال في بيت الأب.
هقضي العيد في الساحل
قالت منال لـ اليوم السابع: "العيد في بيت بابا طبعًا مختلف وله مذاق تاني خالص لكن العيد في عش الزوجية وكمان سنة أولى زواج لطيف وكمان أنا معايا زوج يختلف عن الكل هو صديق وصاحب ومعه حاسة اني مع أهلي مفيش غربة بالرغم إن أهلي في محافظة وأنا في محافظة تانية لكن مفيش احساس بالغربة".
تابعت: "إحنا هنقضى العيد في الساحل وبعدها هننزل زيارة لأهلي وبصراحة العيد في عش الزوجية مذاقه جديد ومختلف هو شعور غريب وله طعم مختلف، ما اقدرش أقول العيد في عش الزوجية أحسن من عند بابا، كل عيد فيهم وله طعمه".
العيد مع زوجي حاجة تانية
فيما قالت سندس:" العيد مع زوجي حاجة تانية خالص بالرغم من حبي الشديد لأهلي لكن العيد معه حاجة تانية بصراحة استعددنا من فترة في التحضيرات علشان عايزة يوم مميز وقررنا نسافر للاستمتاع بالعيد في مكان تاني مختلف.لبس العيد
فيما قالت أسماء: "أنا لسة متزوجة من شهرين فقط ولكن العيد ورمضان وكل الأيام حلوة معه ومختلفه وندعي ربنا يدوم علينا هذه الأيام الجميلة فرحة لبس العيد مع زوجي مختلفة تمامًا في العادي كنت بكسل انزل اشترى لبس العيد لكن مع قرة عيني الوضع مختلف تمامًا، وحاليا بنستعد أننا نعمل حفلة ونحتفل بمرور شهرين على زواجنا واول مناسبة لينا بعد رمضان".هاكل كشري
لكن شيماء كانت لها رأي آخر فقالت:" العيد عندي هو الاحتفال بتناول طبق الكشري وأني اتمشي بالشارع كل سنة كنت بعمل كدا السنة دي مختلفة لكن هو وعدني اننا هنروح تأكل الكشري وهنسافر في إجازة العيد وطبعاً دا ما يمنعش إن العيد مع زوجي وفي عش الزوجية مختلف ومميز".هخرج براحتي
فيما قالت إيمان:" في بيت زوجي حلو جدًا ومبسوطة اني مع واحد بيحبني وبحبه ومدلعني يخرجني بشكل يومي ومطمنة جدًا وأنا معه و هيخرجني في العيد نتفسح ونزور أماكن جديدة وأحلى ما في الموضوع أننا هنصلي العيد مع بعض.
العيد في عش الزوجية
سندس وزوجها
كشري بالعيد
منال ومعاذ في سنة أولي زواج
تم أضافة تعليقك سوف يظهر بعد المراجعة